कविता " माया"

• पहलमान कटुवाल

तौलेर हेर त्यो तिम्रो माया यो कति साँचो छ
रोएर मात्रै नसुकाऊ जीउ जीवनको खाँचो छ
आँखाको सामू टल्केको मुहार सम्झेर नरोऊ
मनको बह मनैमा राख आँशुले नधोऊ
                कहिन काही लुकेको हुन्छ मनको भावना
               आशाको दियो ननिभाऊ मनमा देखेर सपना ।
               हृदयभित्र छिपेको फूल कुनै दिन फक्रेला
                निभेको दियो सलेदो फेर्दा उज्यालो भैदेला ।
विरह बोकि सुकेका आँशु हाँसेर विसा्रैला
मनको फुलले गुँथेको माला कसैलाई पैराउँला ।
दोदिरे माया त्यो घाम-छाँया एकै छिन रहेछ
माया कि डोरी अर्काकी छोरी मन अर्काे भएछ ।
                   अझै म भन्छु तौलेर हेर मायाको डल्लोलाई
                    त्यो मन भित्र सोचेर हेर मनको खल्लोलाई ।
                    तौलेर हेर कसको धेरै माया तुलामा हालेर
                    छैन कसर आगामा गाल पापी मन फालेर ।