कक्षा १२ को परीक्षाफल प्रकाशित

काठमाडौं, ३१
उच्च माध्यामिक शिक्षा परिषदले कक्षा १२ को व्यवस्थापन मानविकी र शिक्षा संकायको परीक्षाफल बिहीबार प्रकाशित गरेको छ ।
बैशाख १६ देखि जेठ १८ गतेसम्म लिइएको परीक्षामा नियमिततर्फ ४१ प्रतिशत विद्यार्थी उत्तिर्ण भएका छन् ।
परीक्षामा नियमिततर्फ कुल ३ लाख १ हजार विद्यार्थी सहभागी भएकोमा ८४ हजार ४ सय १८ जना उत्तीर्ण भएका छन् । परिषद्का परीक्षा नियन्त्रक देवी वाराकोटीका अनुसार आंशिक परीक्षामा ३९ हजार ८ सय ७३ जना अर्थात् ४४ दशमलव २९ प्रतिशत उत्तीर्ण छन् ।