मृतकलाई आईसीयुमा राखेर रकम असुली

रंगेली २ असोज÷ दुर्घटनामा परी मृत्यु भइसकेको व्यक्तिलाई तीन दिनसम्म जर्बरजस्ती आई।सी।यू।मा राखेर न्यूरो अस्पताल विराटनगरले अढाई लाख रुपैयाँ असुल गरेको छ ।
मोरङको कसर्ियामा भदौ २१ गते दुर्घटनामा मृत्यु भएका गोविन्दपुर-९ पाटीयापाडाका ४९ वर्षीया भिमबहादुर दर्जीलाई तीन दिन आई।सी।यू।मा राखेर न्युरो अस्पतालले पीडित परिवारबाट रकम असुलेको हो ।
मोरङको कसर्ियामा मोरङ डाइनिया-८ का कमलकुमार साहले चलाएको को ४ प १८०९ नम्बरको मोटरसाइकलले ठक्कर दिएपछि दर्जीलाई प्रहरीले न्यूरो अस्पताल पठाएको थियो । आफन्तजनले दर्जीको मृत्यु भइसकेको अस्पताललाई बताए पनि अस्पताले जर्वरजस्ती तीन दिनसम्म राखेको मृतकका साढुदाई हेमबहादुर खड्काले बताउनु भयो । ुमृत्यु भईसकेको छ हाम्रो मान्छेलाई विदा दिनुपर् यो भन्दा समेत अस्पतालले जर्वरजस्ती राखेर २४ गते … मात्र मृत घोषणा गर् योु-खड्काले बताउनु भयो । अस्पतालले दर्जीको मृत्यु भएको भन्दै विदा गर्ने बेलामा २ लाख ५० हजार रुपैयाँ उपचार खर्च लागेको भन्दै शव दिन अस्वीकार गरेको थियो । पछि एकीकृत माओवादी मोरङका इाचार्ज शिवकुमार मण्डलले जवानी बसेर शव अस्पतालबाट छुटाईदिएको पीडित परिवारले बताएका छन् ।
अस्पतालले दर्जीको मृत्युको घोषणा गर्नु अगाडि नै परिवारले तीनमा १ लाख ५ हजार रुपैयाँ भने अस्पतालमा बुझाईसकेका थिए । दर्जीको मृत्युपछि घरमा काजकिरियामा बसेकी श्रीमती दिलमाया कडेंल दर्जी आमा र छोराछोरी भने मृत्युको वियोग भन्दा ऋणको चिन्तामा परेका छन् । अस्पतालले टाउको अप्रेशन गर्नु छ भन्दै अनावश्यक चेकजाँच गरेर रकम असुलेको पीडित परिवारको भनाई छ ।
मृत्यु भए पनि जर्वरजस्ती राखेर हामीलाई ऋणमा डुबायो अब कहाँबाट त्यत्रो रकम तिर्नु- पीडित कडेंलले दुखेसो पोख्नुभयो । घटनाको विषयमा बुझ्न फोन गर्दा अस्पतालका प्रमुख विरेन्द्रकुमार विष्ट र प्रशासकीय अधिकृत विपुल श्रेष्ठ सम्पर्कमै आउन चाहनु भएन । अस्पतालको ०२१-५२२७५७ नम्बरमा पटक-पटक फोन गर्दा कर्मचारीले दुबैजनासँग सम्पर्क हुन नसक्ने बताएका थिए ।