विराटनगर २६ भदौ÷ राजनीतिक संक्रमणकाल लम्बिएकॊ समयमा शक्ति प्रदर्शनको लागि देश दौडाहामा निस्किएका पूर्वराजा ज्ञानेन्द्र शाहलाई विराटनगरवासीले बहिष्कार गरेका छन् ।
धार्मिक कार्यक्रमको बहानामा शक्ति प्रदर्शनको लागि देश दौडाहामा रहेका ज्ञानेन्द्र शाहलाई स्वागत गर्न शनिबार एकाध बाहेक विराटनगरका कोही पनि नाम चलेका व्यक्तिहरु निस्किएनन् । आम विराटनगरवासी भने कार्यक्रममा सहभागी नभएकोले ज्ञानेन्द्र बहिस्कृत भएका हुन् ।
चौतर्फी दबाबका बिच आयोजकले ज्ञानेन्द्र ल्याउने कार्यक्रम फिर्ता गरेको प्रचार गरी ढाँटको खेती गरेर उनलाई अन्त्यमा विराटनगर ल्याएको थियो । ज्ञानेन्द्र शाहलाई स्वागत गर्न विराटनगरमा २ लाख जनता भेला हुने प्रचार आयोजकहरुले गरेका थिए । तर ज्ञानेन्द्र शाहको अघिपछि लाग्न एक हजार जना पनि उपस्थित भएनन् ।
गणपति महोत्सवको नाममा विराटनगर निम्त्याइएका ज्ञानेन्द्र शाहलाई हेर्न समेत केही व्यापारी र शाही शासनकालमा हालीमुहाली गरेकाहरु बाहेक विराटनगरवासी निस्किएनन् । पूर्वााचलको झापादेखि सिराहासम्मका जिल्लाबाट भेला गरिएका करिब पाँच सय राजावादीहरु मात्र ज्ञानेन्द्रको अघिपछि रहेका थिए । उनीहरुलाई प्रतिव्यक्ति ३ सय रुपैयाँ नगद र मोटरसाईकल हुनेलाई थप ३ लिटर पेट्रोल आयोजकले वितरण गरेका थिए ।
धार्मिक कार्यक्रमको नाममा गणतन्त्रको विरुद्ध प्रतिगामी राजनीति गर्ने ज्ञानेन्द्र शाहलाई नल्याउन विराटनगरवासीले गरेको आग्रह लत्याएका आयोजकहरु ज्ञानेन्द्रको पक्षमा उभिने जनताको संख्या हजार ननाघेपछि हिस्स परेका थिए । ज्ञानेन्द्र सहभागी भएपछि विराटनगरवासी गणपति महोत्सवमा समेत अघिल्लो वर्ष जस्तो सहभागी भएनन् । ज्ञानेन्द्रलाई नल्याउन विराटनगरकै उद्योगी व्यवसायीले गरेको आग्रह समेत विराटनगर ठाकुरबाडी रोडका व्यवसायीको बाहुल्यता रहेको गणपति समारोह समितिले वेवास्ता गरेको थियो ।
पुर्वराजा ज्ञानेन्द्र तथा पुत्र पारश शाहको देश दौडाहामध्ये विराटनगरमा सबैभन्दा न्युन जनसहभागिता रहेको राजावादीहरुकै बिचमा चर्चा थियो । आयोजकहरुले विशुद्ध धार्मिक कार्यक्रममा ज्ञानेन्द्रलाई बोलाएको बताएपनि उनी विमानस्थलमा उत्रदा भेला भएका केही सयको संख्यामा रहेको समुहले राजतन्त्रको पक्षमा नारावाजी गरेका थिए । ज्ञानेन्द्रको अघिपछि केही कुण्डले मुण्डले र भाडामा ल्याइएका युवाहरु रहेका थिए ।
गणेश महोत्सवको उद्घाटन गर्न आएका शाहले सरस्वती उच्च माविमा रहेको गणेशको पुजा गरेका थिए भने रामजानकी मन्दीरको समेत दर्शन गरेका थिए । उनको स्वागतमा आयोजकले गुद्री चौकदेखि सरस्वती स्कूलसम्म नै रोडमा रातो कार्पेट विछ्याएका थिए । बलभद्र रजत जयन्ती सेवा समितिले आयोजना गरेको रक्तदान कार्यक्रममा समेत सहभागी भएका ज्ञानेन्द्रले विराटनगरकै रत्ना होटलमा राजावादीहरुसँग भेट गरेका थिए । करिब एक सय व्यक्तिहरुले सामुहिक भेटमा ज्ञानेन्द्रलाई दलहरुका कारण आपुूहरु टुहुरा भएको भन्दै पुनः शासनमा फर्कन आग्रह गरेका गरे । ज्ञानेन्द्रले भने अहिले बोल्ने बेला नभएको भन्दै कुनै प्रतिकृया दिन मानेनन् ।
ज्ञानेन्द्र शाहलाई शाही कालका मन्त्री बद्री मण्डल शाही कालकै मोरङका जिविस सभापति बल्लभ दाहाल नगर प्रमुख प्रल्हाद साह राजावादी पत्रकार दिनेश शाह व्यापारीहरु असोक अटल मनिस अग्रवाल देबेन्द्र गुप्ता अरुण राठी लगायतले भेट गरेका थिए । विराटनगरका ठूला उद्योगी व्यवसायीले भने ज्ञानेन्द्रलाई भेट गरेनन् भने उनीहरु गणपति महोत्सवमा समेत सरिक भएनन् ।
ज्ञानेन्द्र विराटनगर आउदा प्रशासनले प्रधानमन्त्री वा राष्ट्रपति आएको जस्तै सुरक्षा दिएको थियो । विहान ११ बजे बुद्ध एयरको जाहाजबाट विराटनगर उत्रिएका उनी ३ बजे काठमाण्डौ फर्किएका थिए ।
धार्मिक कार्यक्रमको बहानामा शक्ति प्रदर्शनको लागि देश दौडाहामा रहेका ज्ञानेन्द्र शाहलाई स्वागत गर्न शनिबार एकाध बाहेक विराटनगरका कोही पनि नाम चलेका व्यक्तिहरु निस्किएनन् । आम विराटनगरवासी भने कार्यक्रममा सहभागी नभएकोले ज्ञानेन्द्र बहिस्कृत भएका हुन् ।
चौतर्फी दबाबका बिच आयोजकले ज्ञानेन्द्र ल्याउने कार्यक्रम फिर्ता गरेको प्रचार गरी ढाँटको खेती गरेर उनलाई अन्त्यमा विराटनगर ल्याएको थियो । ज्ञानेन्द्र शाहलाई स्वागत गर्न विराटनगरमा २ लाख जनता भेला हुने प्रचार आयोजकहरुले गरेका थिए । तर ज्ञानेन्द्र शाहको अघिपछि लाग्न एक हजार जना पनि उपस्थित भएनन् ।
गणपति महोत्सवको नाममा विराटनगर निम्त्याइएका ज्ञानेन्द्र शाहलाई हेर्न समेत केही व्यापारी र शाही शासनकालमा हालीमुहाली गरेकाहरु बाहेक विराटनगरवासी निस्किएनन् । पूर्वााचलको झापादेखि सिराहासम्मका जिल्लाबाट भेला गरिएका करिब पाँच सय राजावादीहरु मात्र ज्ञानेन्द्रको अघिपछि रहेका थिए । उनीहरुलाई प्रतिव्यक्ति ३ सय रुपैयाँ नगद र मोटरसाईकल हुनेलाई थप ३ लिटर पेट्रोल आयोजकले वितरण गरेका थिए ।
धार्मिक कार्यक्रमको नाममा गणतन्त्रको विरुद्ध प्रतिगामी राजनीति गर्ने ज्ञानेन्द्र शाहलाई नल्याउन विराटनगरवासीले गरेको आग्रह लत्याएका आयोजकहरु ज्ञानेन्द्रको पक्षमा उभिने जनताको संख्या हजार ननाघेपछि हिस्स परेका थिए । ज्ञानेन्द्र सहभागी भएपछि विराटनगरवासी गणपति महोत्सवमा समेत अघिल्लो वर्ष जस्तो सहभागी भएनन् । ज्ञानेन्द्रलाई नल्याउन विराटनगरकै उद्योगी व्यवसायीले गरेको आग्रह समेत विराटनगर ठाकुरबाडी रोडका व्यवसायीको बाहुल्यता रहेको गणपति समारोह समितिले वेवास्ता गरेको थियो ।
पुर्वराजा ज्ञानेन्द्र तथा पुत्र पारश शाहको देश दौडाहामध्ये विराटनगरमा सबैभन्दा न्युन जनसहभागिता रहेको राजावादीहरुकै बिचमा चर्चा थियो । आयोजकहरुले विशुद्ध धार्मिक कार्यक्रममा ज्ञानेन्द्रलाई बोलाएको बताएपनि उनी विमानस्थलमा उत्रदा भेला भएका केही सयको संख्यामा रहेको समुहले राजतन्त्रको पक्षमा नारावाजी गरेका थिए । ज्ञानेन्द्रको अघिपछि केही कुण्डले मुण्डले र भाडामा ल्याइएका युवाहरु रहेका थिए ।
गणेश महोत्सवको उद्घाटन गर्न आएका शाहले सरस्वती उच्च माविमा रहेको गणेशको पुजा गरेका थिए भने रामजानकी मन्दीरको समेत दर्शन गरेका थिए । उनको स्वागतमा आयोजकले गुद्री चौकदेखि सरस्वती स्कूलसम्म नै रोडमा रातो कार्पेट विछ्याएका थिए । बलभद्र रजत जयन्ती सेवा समितिले आयोजना गरेको रक्तदान कार्यक्रममा समेत सहभागी भएका ज्ञानेन्द्रले विराटनगरकै रत्ना होटलमा राजावादीहरुसँग भेट गरेका थिए । करिब एक सय व्यक्तिहरुले सामुहिक भेटमा ज्ञानेन्द्रलाई दलहरुका कारण आपुूहरु टुहुरा भएको भन्दै पुनः शासनमा फर्कन आग्रह गरेका गरे । ज्ञानेन्द्रले भने अहिले बोल्ने बेला नभएको भन्दै कुनै प्रतिकृया दिन मानेनन् ।
ज्ञानेन्द्र शाहलाई शाही कालका मन्त्री बद्री मण्डल शाही कालकै मोरङका जिविस सभापति बल्लभ दाहाल नगर प्रमुख प्रल्हाद साह राजावादी पत्रकार दिनेश शाह व्यापारीहरु असोक अटल मनिस अग्रवाल देबेन्द्र गुप्ता अरुण राठी लगायतले भेट गरेका थिए । विराटनगरका ठूला उद्योगी व्यवसायीले भने ज्ञानेन्द्रलाई भेट गरेनन् भने उनीहरु गणपति महोत्सवमा समेत सरिक भएनन् ।
ज्ञानेन्द्र विराटनगर आउदा प्रशासनले प्रधानमन्त्री वा राष्ट्रपति आएको जस्तै सुरक्षा दिएको थियो । विहान ११ बजे बुद्ध एयरको जाहाजबाट विराटनगर उत्रिएका उनी ३ बजे काठमाण्डौ फर्किएका थिए ।
No comments:
Post a Comment