अग्नी एयर दुर्घटना हुँदा मृत्यु भएकाहरुको शवलाई नेपाली सेना मंगलबार त्रिभुवन अन्तराष्ट्रिय विमानस्थलमा फिस्टेल एयरबाट उतार्दै । विमान दुर्घना हुँदा १४ जनाको मृत्यु भएको थियो ।

चीनमा पनि उस्तै

चीनको इच्युनमा भएको विमान दुर्घटना। दुर्घटनामा ४२ को मृत्यु भयो भने ५४ घाइते भएका छन्।

कोसीमा १४ वर्षपछि पानीको बहाब उच्च

इनरुवा ८ भदौ
लगातारको वर्षापछि सप्तकोशी नदीमा मंगलबार चौध वर्षपछिकै सबैभन्दा उच्च पानीको बहाब पुगेको छ ।
नदीमा पानीको बहावमा उच्च बृद्धि भएपछि कोशी ब्यारेजमा खतराको संकेत स्वरुप साईरन बजाउँदै उच्च सतर्कता अपनाईएको छ ।
ब्यारेजमा मंगलबार साँझ ५ बजे प्रतिसेकेण्ड ३ लाख ३९ हजार ४ सय ५ क्युसेक पानीको बहाव रहेको ब्यारेज स्थित कन्ट्रोल रुमले जानकारी गराएको छ । पानीको बहाव बृद्धि हुने क्रम जारी रहेकोले ब्यारेजमा रहेका ५६ ढोका मध्ये ३९ ढोका खुल्ला गरिएको छ ।
ब्यारेजमा पानीको बहाव २ लाख ७५ हजार क्युसेक पुगेपछि रातोबत्ती बालेर साईरन बजाउने गरिन्छ । विहान ७ बजे ३ लाख ९ हजार ३५ क्युसेक रहेकोमा विहान १० बजे बृद्धि भई ३ लाख २४ हजार ६ सय ६० क्युसेक र दिउँसो बहाबमा बृद्धि भई ३ लाख ३५ हजार ३ सय ३० क्युसेक रहेको थियो । सोमबार सुझ कोसी व्यारेजमा २ लाख २६ हजार २ सय ४५ क्युसेक प्रतिसेकेन्डका दरले पानीको बगेकेा थियो ।
पानीको बहाव उच्च विन्दुमा पुगेपछि प्रमुख जिल्ला अधिकारी रामप्रसाद थपलिया लगायत सुरक्षा निकायका प्रमुखहरुले मंगलबार ब्यारेजको निरीक्षण गर्नुभएको छ । २०६५ साल भदौ २ गते तटबन्ध भत्किदा कोशीको बहाव १ लाख ६८ हजार क्युसेक थियो । यसअघि २०५३ सालमा कोशीको बहाव चार लाख क्युसेक प्रतिसेकेण्ड पुगेको थियो ।
पुर्वी पहाडी जिल्लामा पानी पर्ने क्रम जारी रहेकोले कोशी नदीमा प्रत्येक घण्टा पानीको बहावमा बृद्धि भइरहेको ब्यारेज स्थित कन्ट्रोल रुमका प्रमुख सुखनन्दन प्रसाद िसंहले जानकारी दिनुभयो ।
पानीको बहाव १४ वर्षपछिकै उच्च भई अझै बृद्धि हुने क्रम जारी रहेपछि संभावित खतरा आउन नदिन भारतीय उच्च प्राविधिकहरुको टोली ब्यारेजमा आईपुगेको जनाइएको छ । उनीहरुले उच्च सतर्कता अपनाई ब्यारेज र पुर्वी तटबन्धको निरन्तर निरिक्षण गरिरहेको बताइएको छ ।
भारतीय उच्च प्राविधिकहरुको टोलीले संभावित खतरा भएका स्थानमा मर्मत सामाग्री राख्ने कार्य समेत गरिरहेको सुनसरी प्रहरीले जनाएको छ । नदीमा आएको बाढीले पुर्वी तटबन्धका अन्तर्गत प्रकाशपुरमा रहेका स्पर नम्बर २४।७८ देखि २५।२५ बिचका आधा दर्जन स्परहरुमा सामान्य कटान गर्न थालेको जनाइएको छ । यसैगरी सुनसरीको महेन्द्रनगर गाबिसमा पर्ने श्रीलङ्का टप्पुमा पनि कोसीले तीब्र रुपमा कटान गरिरहेकेा छ । कोसी नदीमा पानीको बहाबमा वृद्धी हुदै गएकोले सो क्षेत्रमा आवत जावत गर्ने डुंगा सम्म

पीडित शरणार्थीले भात मागेका हौं

केही महिना अघिबाट भूटानी शरणार्थी शिविरहरुमा विश्व खाद्य कार्याक्रमले गरेको प्रमाणीकरण पछि धेरै शरणाार्थीहरु भोकभोकै बस्नु पर्ने वाध्यतामा छन् । पछिल्लो समय राशन उपलव्धका लागि पटक पटक क्याम्प व्यवस्थापन समितिले जिल्ला प्रशासन कार्यालय झापा र सम्बन्धीत निकायसँग पहल नगरेका पनि होइनन् । तथापी अझै ३ हजार बढी शरणार्थीहरुलाई हरेक दिनको गाँसको समस्याले पिरोलिरहेको छ । यी पीडित शरणार्थीको राशन उपलब्ध गराउनको लागि अनुरोध गर्न केही समय अघि सात शिविरको प्रतिनिधित्व गर्दै राहत बन्चित पीडित शरणार्थी समूह गठन भएको छ । समूहले हाल पीडित शरणार्थीलाई राशन उपलव्ध गराउँन विभिन्न गुनासोहरु राख्दै आएको छ । समूहका संयोजक नन्दु पौडेलसँग डिकेश लामाले गर्नु भएको कुराकानीको सार संक्षेप ।

राहत बन्चित पीडित समूह किन गठन गर्नु भयो
हामी शरणार्थीहरु सबै एकै हौं सवैले पाईरहेको राशन एकासी रोक्का गर्न थाले पछि सम्बन्धीत निकाय सँग सहयोग गर्न पहलको लागि यो समूह गठन गरेको हो ।

तपाईहरुले पछिल्लो पल्ट सार्वजनिक गरेको विवरण कसरी संकलन गर्नु भयो
हामीले यो समूह सवै पीडितहरुको लागि भनेर गठन गरेका हौं र हाम्रो कसैको एकै घरका आधाको राशन छ त कसैको छैन यसले गर्दा पनि हामीलाई विवरण संकलनमा सवै तहबाट सहयोग पुगेकेा छ । मुख्य गरेर क्याम्प व्यवस्थापन समितिको महत्वपूर्ण सहयोग रहेको छ भने समूह सातै शिविरको अनुगमनमा हिडेको पनि छ ।

क्याम्पमा यस विवरण बाहेक बालबालिकाको पनि धेरैको राहत छैन भन्ने तपाईले जानकारी दिनु भयो नि कति छन् ।
हामीले प्रकाशित गरेको प्रेश विज्ञप्तीमा नै भनेका छौं कि ३ हजार १ सय ९० शरणाार्थी बाहेक अरु पनि निक्कै संख्यामा मिश्रिति विवाहबाट तथा अन्य कारणले अभिभावक विहीन बालबालिकाहरु छन् । अर्को कुरा भूटानमा त्यहाँको सरकारले बन्दी बनाएर राखेका हाम्रा नातेदारहरु पनि आउने क्रम जारी छ । अव तपाई भन्नुहोस् सवै परिवार यहाँ बसे पछि एउटा नेपाली भाषी भूटानीले शिविरमा आउँदा शरणार्थीको दर्जा पाउने कि नपाउने ।

जेलबाट छुटेर आउने शरणार्थीलाई पहिले त ऊ शरणार्थी हो कि होइन छुट्याउनु परेन र
त्यो जरुर हो हामीले पनि गैर शरणार्थीलाई राशन दे भनेका छइनौं । पहिले पहिले जेलबाट आउनेहरुको लागि भूटानी हो कि होइन त्यसको लागि यूएनएचसीआर आफै काँकडभिट्टामा स्क्रीनिड्ड पोष्ट खडा गरी जाँचचेक गरी प्रमाणिकरण गरिन्थ्यो तर अहिले त्यो पनि छैन । तर उसको परिचयको लागि हाम्रा जेल जिवन भोगेर आउने शरणाार्थीको भूटानी परिचय सम्बन्धी कागजात भने अवश्य छ ।

तपाई पनि जेल बस्नु भएको रे हो
हो म पनि भूटानको केन्द्रिय जेल चेम्गाड्डमा साढे चार बर्ष र अन्य क्षेत्रका जेलमा गरी लगभग ९ बर्ष जति जेलमा बसे ।

जेलमा याताना दियो कि दिएन
जवसम्म रेडक्रसले जेलको भिजिट गरेन त्यतिखेर सम्म चाँही खाना खाँदा समेत पशुले जस्तो कुदेर गएर खाना खानु पथ्र्यो भने वाँड्दा बाँढ्दै खाना पुगेन भने कोही भोकै पनि बस्नु पथ्र्यो । कहिले बरफमा सुताउँथ्यो कहिले साह्रै नराम्री कुट्थ्यो । याताना त कति सहियो सहियो नि । तर जव सन् १९९३ बाट अन्तराष्ट्रिय रेडक्रस संगठन र एम्नेष्टीले पहल र जेलबन्दीले पाउनु पर्ने अन्तराष्ट्रिय अधिकारको कुराहरु केही हदसम्म लागु भयो ।

भोलि ६ तारिख यो पेन डाउँन कार्यक्रम किन गर्न लाग्नु भयो
यो कार्यक्रम भन्दा पनि हामीलाई भात देऊ भन्ने आवाज गरेका हौं जुन आवाज निकाल्न सवै निकायले सहयोग गर्नु भएको छ । यसका लागि सवै भन्दा पहिले सातै शिविरका सचीव र सीएमसी परिवारको ठूलो सहयोग छ । पेन डाउन भनेको एक दिन सातै शिविरको सम्पुर्ण काम कार्वाही वन्द गरेर सम्बन्धीत निकायमा हाम्रो भात देऊको अनुरोधको कार्यक्रम यो र ६ तारिख हाम्रो यो कार्यक्रम सफल हुन्छ नै ।

अझै पनि पीडित शरणाार्थीलाई राशन मिलेन भने नि
हामी भात मागिरहन्छौ माग्दा पनि सुनवाई नभए सार्वजनिक स्थलमा बसेर भोकहड्ताल गर्ने अनि जेनेभा लगायतका शरणार्थी सम्बन्धी उच्च निकायमा हाम्रो अवस्थालाई सुनवाई नभएको गुनासो राख्ने हाम्रो समूहको योजना रहेको छ । यसको लागि यो समूह सवै शरणार्थी र स्थानीय सरोकारवाला संस्थामा सहयोगको लागि आग्रह गर्दछ ।

आज जनैपूर्णिमा

श्रावण शुक्ल पूर्णिमा, जनै लगाउने तागाधारीहरुले सप्तऋषिको सम्झना गर्दै नजिकैको जलाशय तथा धारामा गई माटो, गोबर, कुश, खरानी र अपामार्गले स्नान गरी विशेष मन्त्रद्वारा मन्त्रिएको जनै लगाउने गर्दछन्

देशभर हिन्दू धर्मालम्वीहरु ऋषि तर्पणी अर्थात् जनैपूणिर्मा पर्व मनाउँदै छन् । आजका दिनमा आफ्नो सुरक्षाका लागि नाडीमा मन्त्रिएको डोरी बाँधेर रक्षाबन्धन पनि गरिन्छ । तराईमा आ-आफ्ना दाजुभाइलाई दिदीबहिनीहरुले आजै राख्ाी बाँध्ने चलन छ ।

बस दुर्घटनामा ८ घाइते

चितवन ७ भाद्र । नारायणगढबाट विरगंज जाँदै गरेको यात्रुबाहक बस चितवनको चैनपुरमा दुर्घटना हुदा ८ जना घाइते भएका छन । ना ३ ख १९८७ नम्मरको बस पूर्वी चितवनको चैनपुर २ ज्यामिरे पुल नजीकै नियन्त्रण गुमाई आज विहान दुर्घटनामा परेको जिल्ला प्रहरी कार्यालय चितवनले जनाएको छ । दुर्घटनामा परी चितवन भरतपुरका राजु धामि यदुराज गौडेल विनोद िसंह रवि खत्री राजेन्द्र प्रसाद अधिकारी चमेलि श्रेष्ठ र मकवानपुर हेटौडाका समित कार्की तथा सुनिल खत्रीको घाईते भएका छन् ।

घाइते सबैको भरतपुर अस्पतालमा उपचार भैरहेको छ । दुर्घटना लगत्तै बसका चालक फरार रहेको र खोज कार्य तिव्र पारीएको प्रहरीले जनाएको छ ।

पिसाबथैलीमा आधा केजीको ढुंगा

मोरङ सहकारी अस्पतालले निकाल्यो
भदौ ७
पिसाब थैलीमा रहेको असाधारण वजनको ढुङ्गा विराटनगर स्थित मोरङ सहकारी अस्पतालले शल्याकि्रया गरी निकालेको छ ।
इलाम पशुपतिनगर-२ स्थित कट्टेबुङ्गका भिम थापा मगरको पिसाब थैलीमा रहेको पाँचसय ग्राम वजन भएको पथरी अस्पतालले निकालेको हो ।
सोमबार सहकारी अस्पतालमा वरिष्ठ सर्जन डा।सुनिलचन्द्र अधिकारीले अप्रेशन गरेर थापाको पिसाब थैलीबाट ढुङ्गा निकाल्नु भएको हो । डा। अधिकारीले सफल अप्रेशन गरी निकालिएको पथरी करिब ९ सेन्टीमिटरको रहेको छ ।
नेपालमै यो पहिलो ठूलो पथरी भएको र सफल शल्याकि्रयामार्फत बिरामीको उपचार भएको अस्पतालका कार्यकारी निर्देशक विकाश
अधिकारीले दावी गर्नुभएको छ । केश जटिल भनेपछि समयलाई व्यवस्थित गर्दै सफल अप्रेशन गराएको अस्पतालले जनाएको छ ।
अनुभवी डाक्टर भएकै कारण अप्रेशन सफल भएको निर्देशक अधिकारीले बताउनु भयो । पथरी पिसाब थैलीको तल्लोभागको पछिल्लो साइडमा रहेको र त्यसभन्दा अघि पिसाब रहने कारणले त्यस्तो हुँदासम्म समस्या थाहा नभएको विरामीले बताएका छन् ।
एक साता अघि विर्तामोडको एक क्लिनिकमा आई डाक्टर अधिकारीलाई जाँच गराएपछि उनकैको सल्लाह अनुसार उनीहरु मोरङ सहकारीमा अप्रेशनका लागि सोमबार आएका थिए । आएकै दिन अस्पतालले अप्रेशन गरेको थियो । डाक्टरले जटिल केश छ भनी उनीहरुलाई अप्रेशन गर्नका लागि समय मिलाइ दिएको परिवारले बताएका छन् ।
थापाकी श्रीमतीका अनुसार पेटमा समस्या भएपछि उनले गाउँघरकै क्लिनिकबाट औषधी सेवन गरेका थिए । गाउँमा पेटमा समस्या भएपछि सामान्य औषधी सेवन गरेका थापाले पेटमा पथरी भएको एक साता अघि मात्र थाहा पाएका थिए ।
अप्रेशनपछि विरामीको अवस्था सामान्य भएको छ । बिरामी पूर्णरुपमा होसमा रहेको अस्पतालले बताइएको छ ।

विमान दुर्घटनामा १४ यात्रुको मृत्यु

८ भदौ । अग्नि एयरको डोनियर विमान खराव मौसमका कारण दुर्घटना हुँदा १४ जना यात्रुको मृत्यु भएको छ । घटना स्थलमा प्रहरीको टोली पुगेर उद्धार शुरु गरेको छ ।

काठमाण्डौबाट सोलुखुम्वुको लुक्लाका लागि प्रस्थान गरेको विमान प्रतिकुल मौसमका कारण अवतरण गर्न नसकि पुनः काठमाण्डौ फर्कने क्रममा मकवानपुर जिल्लाको शिखरपुर गाविस वडा नम्वर दुई मोतिपुर भन्ने गाँउमा दुर्घटना भएको नागरिक उडड्यन प्राधिकरणले जनाएको छ । विमानमा सवार ११ जना यात्रु र चलाक दलका तीन सदस्य सबैको मृत्यु भएको छ । मृत्यु हुनेमा ६ जना विदेशी र ५ जना नेपाली नागरिकसहित तिन जना चालक दलको सदस्य रहेको प्राधिकरणले जनाएको छ ।

दुर्घटनामा क्याप्टेन लक्की भनिने लक्षमणप्रसाद शाहा सहचालक सोफिया िसंह र एयर होस्टेज सहारा शेर्पाको मृत्यु भएको छ । १९ सिट क्षमता रहेको विमानमा लुक्लाका लागि विहान सात वजेर ५ मिनटमा उडेको थियो । विमान टुक्रा टुक्रा भएको र घटनास्थलमा शवका टुक्रा छरिको स्थानीय वासिन्दाले वताएका छन।् । खराव मौसम र सदरमुकाबाट करिव ३५ किलोमिटर पूर्व ५-६ घण्टाको पैदल दूरीमा रहेकाले उद्धार कार्यमा कठिन भएको छ ।

यसैबीच आज अग्नीएयरले आफ्ना सम्पूर्ण उडानहरु स्थगित गरेको छ । आफ्नो विमान दुर्घटनामा परेपछि अग्नीएयरले एक टोली घाटनास्थल तर्फ पठाएको छ ।

आज पनि प्रधानमन्त्री नछानिने स्थिति/अर्को चुनाव निकै पर

भाद्र ७ - पाँचौं चरणको निर्वाचनबाट प्रधानमन्त्री चयन नहुने निश्चित भएपछि प्रमुख दलहरू समय लिएर सहमति प्रयासमा जुट्ने भएका छन् ।

सभामुख सुवास नेम्वाङको पहलमा माओवादी, कांग्रेस, एमाले र मधेसी मोर्चाका शीर्ष नेताहरूको आइतबारको बैठकले प्रधानमन्त्री पदका लागि सोमबार हुने मतदानबाट जे परिणाम आए पनि विवादित राजनीतिक मुद्दामा सहमति खोज्न 'घनिभूत' छलफल गर्ने समझदारी गरेका हुन् ।

'सदनबाट प्रधानमन्त्री निर्वाचित हुन नसक्दा जनतामा लोकतान्त्रिक प्रणाली, दलहरू र संविधानसभाप्रति आशंका र वितृष्णा उत्पन्न हुन गएको छ । यस्तो अवस्था कहिलेसम्म रहन्छ भनी दलहरूको गम्भीर ध्यानाकर्षण गराएको छु,' बैठकपछि सभामुख नेम्वाङले भने, 'शीर्ष नेताहरूले सोमबारको निर्वाचनबाट परिणाम निस्किएन भने पनि मंगलबारदेखि मुलुकसामु रहेका विवादित विषयमा छलफल गरी सहमति कायम गर्न तयार छौं भन्ने प्रतिबद्धता जनाउनुभएको छ ।'

यस्तो प्रयास र समझदारीले संविधान निर्माणको प्रक्रिया सहज हुने उनको विश्वास छ । कांग्रेस संसदीय दलका नेता रामचन्द्र पौडेलले प्रधानमन्त्री निर्वाचन प्रक्रियालाई मतदानबाट नभए सहमतिबाट टंुग्याउनेबारे छलफल भएको बताए । 'सकेसम्म विधि र प्रक्रियाबाट टुंग्याउँ भन्ने कुरा आएको छ,' उनले भने, 'नभए पर्सिबाटै घनिभूत छलफल गरी सहमतिबाट टुंग्याउनुहोस् भन्ने आग्रह आएको छ ।'

पौडेलले राष्ट्रिय सहमतिका लागि संविधानसभाको कार्यकाल विस्तार गर्नुअघि तीन दलबीच भएको सहमतिको पहिलो बुँदा कार्यान्वयन हुनुपर्ने बताए । 'जेठ १४ मा भएको तीनबुँदे सहमतिको पहिलो बुँदा कार्यान्वयन हुन बाँकी छ, त्यहींबाट छलफल गरौं,' उनले भने ।

तीनबुँदे सहमतिको दोस्रो र तेस्रो बुँदामा रहेको संविधानसभाको कार्यकाल थप गर्ने र राजनीतिक निकासका लागि प्रधानमन्त्री माधवकुमार नेपालले राजीनामा गर्ने सहमति कार्यान्वयन भएको छ भने पहिलो बुँदामा रहेको शान्ति प्रक्रियासँग सम्बन्धित विषयमा सहमति खोज्ने कार्य सत्तासंघर्षका कारण बिथोलिएको छ ।

माओवादी संसदीय दलका उपनेता नारायणकाजी श्रेष्ठले सोमबारसम्म सहमति नभए पर्याप्त समय लिएर विषयगत छलफल थाल्ने समझदारी भएको बताए ।

'राष्ट्रिय सहमति आजको आवश्यकता हो,' उनले भने, 'भोलि सोमबार प्रधानमन्त्री निर्वाचित हुन सक्यो

भने पनि शान्ति र संविधानका विषयमा राष्ट्रिय सहमतिका लागि छलफलमा बस्नुपर्छ ।'

पाँचौं निर्वाचनमा सोमबार प्रधानमन्त्री निर्वाचन हुन नसके छैटौं निर्वाचनअघि छलफलका लागि पर्याप्त समय लिइने उनले बताए । तर त्यस्तो समय कति हो भन्ने उनले खुलाएनन् । स्रोतअनुसार छैटौं निर्वाचन भदौ तेस्रो साता मात्र राख्ने समझदारी उनीहरूले गरेका छन् । सोमबार बस्ने कार्यव्यवस्था परामर्श समिति बैठकले यसको औपचारिक निर्णय गर्नेछ । विगत चार निर्वाचनमा जस्तै एमाले र मधेसी मोर्चा तटस्थ बस्ने भएकाले सोमबारको निर्वाचनबाट पनि परिणाम ननिस्कने निश्चितप्रायः छ । माओवादीका अध्यक्ष पुष्पकमल दाहाल र दोस्रो दल कांग्रेस संसदीय दलका नेता पौडेलबीच यसअघि साउन ५, ७, १७ र २२ मा भएका प्रतिस्पर्धामा आवश्यक बहुमत जुटाउन दुवै नेता असफल भएका थिए ।

राष्ट्रिय सहमतिको वकालत गरिरहेका दलहरूले सरकार बनाउन आवश्यक बहुमतका लागि समेत गठबन्धन बनाउन नसक्दा मतदान प्रक्रिया निरन्तर दोहोरिएको हो । यो प्रक्रिया कुनै एक उम्मेदवारका पक्षमा आवश्यक बहुमत नजुटेसम्म जारी रहने व्यवस्था छ । दुवै दलले उम्मेदवारी फिर्ता लिएर नयाँ प्रक्रिया थाल्ने एमालेको प्रस्तावमा पनि सहमति जुटेको छैन । 'उम्मेदवारी फिर्ताको सम्भावना सोमबारको निर्वाचनअघि देखिँदैन,' माओवादी नेता श्रेष्ठले भने, 'सहमति हुँदा

वा राष्ट्रिय सहमतिका लागि विश्वसनीय आधार तय भए फिर्ता लिन तयार छांै ।'

बैठकमा मधेसी मोर्चाले भने राष्ट्रिय सहमतिको परिभाषा र आधार माग गरेको थियो । 'शान्ति र संधिवान निर्माणका लागि सहमति चाहन्छौं, सरकार त बहुमतबाट पनि बन्छ,' तमलोपा अध्यक्ष महन्थ ठाकुरले भने, 'तीन दललाई मिल्न भनेका छौं ।'

बैठकमा सभामुख नेम्वाङले लामो समय कामचलाउ सरकार रहँदा मुलुकमा संकट आउनेतर्फ गम्भीर हुन र सहमतिमा पुग्न दलहरूको ध्यानाकर्षण गराएका थिए । 'कामचलाउ सरकारका भरमा मुलुक सञ्चालन गर्नुपरेकाले जवाफदेहिता नभएको स्थिति आएको छ,' उनले भने, 'नीति कार्यक्रम र बजेट पारित नगरी मुलुक धेरै दिन अघि बढ्न सक्ने अवस्था छैन ।'

कामचलाउ सरकारले ल्याएको विशेष बजेटका भरमा धेरै दिन मुलुक चलाउन गम्भीर आर्थिक संकट आउनेतर्फ उनले दलहरूलाई सचेत गराएका छन् । 'मैले अर्थमन्त्री, सचिव र अन्य अधिकारीहरूसँग गरेको छलफलका आधारमा छिट्टै बजेट नल्याउने हो भने मुलुक आर्थिक रूपमा निकै अप्ठ्यारोमा पर्छ,' उनले भने ।

महिलालाई चुम्बन,पुरुषलाई यौन

शारीरिक दृष्टिबाट पुरुष र महिलाका चाहना अनेक हुन्छन् । तर एक अध्ययनले धेरै महिलाको चाहना लामो चुम्बन र पुरुषको रुचि यौनकार्यमा हुने देखाएको छ । अध्ययनमा महिलाले पुरुषसँग चुम्बन राख्नमा प्राथमिकता दिने गरेको पाइएको छ ।

अमेरिकाको न्युयोर्कस्थित स्टेस युनिभर्सिटीका १ सय ४२ विद्यार्थीमा गरिएको अध्ययनमा पुरुषको रुचि भने चुम्बनको सट्टा यौनमा बढी केन्दि्रत छ । यो अध्ययनले अन्य लुकेका कुराहरू पनि बाहिर निकालेको छ । अनुसन्धानमा पुरुषले टङ किस रुचाउने तर महिलाले चुम्बनको समय आफ्नो साथीको दाँतको सम्पर्कद्वारा बढी आनन्द प्राप्त गर्ने उल्लेख छ ।

अनुसन्धानअनुसार आधाभन्दा बढी पुरुष महिलासँग बिनाचुम्बनसमेत यौनसम्पर्क गर्छन् । तर महिलामा १५ प्रतिशत मात्र यो प्रक्रिया पाइयो ।

प्रतिवेदनअनुसार चुम्बनका बेला विभिन्न प्रकारका मिल्दोजुल्दो प्रतिक्रियाको आदान-प्रदान हुन्छ । यस समयमा विभिन्न रासायनिक तत्त्वसमेत एकअर्कामा प्रवेश गर्ने र शरीरमा अनेक प्रकारका परिवर्तन आउँछन् । चुम्बनले व्यक्तिको शारीरिक र मानसिक स्थितिका बारेमा पनि जानकारी दिने अध्ययनले जनाएको छ ।

स्वस्थ रहन विवाह

पुरुष र महिलाको स्वास्थ्यका लागि विवाह हितकारी मानिएको छ । हालैको एक अध्ययनअनुसार विवाह र लामो समयसम्मको सम्बन्धले तनावसँग लड्ने क्षमतामा वृद्घ िहुन्छ ।सिकागो विश्वविद्यालयका अनुसन्धानकर्ताको अध्ययनले विवाहित व्यक्तिलाई दबाबको सामना गर्न तनाव सम्बद्घ हार्मोनको स्राव कम हुने देखायो । तर एक्लै हुनेहरूमा भने स्राव बढी देखायो । शरीर तनावमा हुँदा 'कार्टिसोल' हार्मोनको सञ्चार हुन्छ । यसले व्यक्तिको तनावको मापन गर्छ ।

अध्ययन टोली प्रमुख प्राध्यापक दारियो माएस्टि्रपियरीका अनुसार बिहेको सम्बन्ध तनावको 'कार्टिसोल' हर्मोनसँग हुन्छ । उनका अनुसार अध्ययनले विवाहितभन्दा एक्लो व्यक्तिमा मनोवैज्ञानिक तनाव बढी हुने देखाएको छ ।

पत्नीमा निर्भर धोकेवाज

पत्नीको कमाइमा आर्थिक रूपले निर्भर रहने पतिले बढी धोका दिन सक्छन् । नयाँ अध्ययनले यस्तै खुलासा गरेको छ । तर पुरुषमा निर्भर रहेका महिलाको सम्बन्धमा परिणाम पूर्णरूपमा उल्टो छ । यो अनुसन्धानको निष्कर्ष पत्र हालै अटलान्टामा आयोजित अमेरिकन सोसियोलजिकल एसोसिएसनको वाषिर्क बैठकमा प्रस्तुत गरिएको थियो ।

यो अनुसन्धानमा आयमा असमानता र धोकेवाजीबीचको सम्बन्ध थाहा पाउने प्रयास गरिएको थियो । त्यसका अनुसार पुरुषहरू जब वित्तीय सहयोगका लागि साझेदारमा निर्भर रहन्छन् तब उनीहरू आफ्नो लैंगिक पहिचान स्थापित गर्ने मौका पर्खिरहेका हुन्छन् । परिणामस्वरुप यो धोकाको रूपमा सामुन्ने आउँछ । तर महिलाको आर्थिक निर्भरता यो परिणामको पूरै प्रतिकूल प्रभावको हुन्छ । महिलाहरु आफ्ना पुरुष साझेदारमा जति बढी निर्भर हुन्छन्, विवाहेतर सम्बन्धमा जाने आशंका त्यतिकै न्यून हुन्छ ।

श्रीलंका टापु जोखिममा

इनरुवा ६ भदौ
शनिबार भएको वर्षाको कारण कोसी नदीमा पानीको बहाबमा बृद्धि भएपछि पूर्वी तटबन्धका बिभिन्न स्थानहरु खतरामा परेका छन् ।
पानीको बहाबमा बृद्धि भएपछि कोसीको पुर्वी तटबन्ध अन्तरगत सुनसरीको प्रकाशपुर स्थित धरहरा टपन र पुल्थेगौडा लगायतका स्थानको तटबन्ध खतरामा परेको हो ।
कोशीमा पानीको बहामा भएको बृद्धिसँंगै महेन्द्रनगर र प्रकाशपुर गाबिसको बीचमा पर्ने श्रीलंका टापुमा रहेको चिलिया बस्तीको तटबन्धमा तीब्र रुपमा कटान सुरु भएको छ । कटान तीब्र भएपछि सो ठाउँका ´ण्डै तीन हजार परिवार उच्च जोखिममा परेका छन् ।
महेन्द्रनगर ५ र प्रकाशपुरको वडा नम्बर ४ र ५ मा रहेको श्रीलंका टापु बीचको चिलिया टापु नजिकको सिसौली घाटदेखि दक्षिण बाढीले कटान सुरु गरेको स्थानीयवासीले बताएका छन् । सो स्थानमा गत वर्ष भएको कटानबाट करिब १५ परिवार बिस्थापीत भएका थिए ।
स्थानीय श्यामवहादुर लिम्बुका अनुसार कोशीको पानीले बस्ती भेट्न॥बाँकी चार पेजमा एक सय मिटर मात्र बाँकी रहेको छ । दुबैतर्फ कोसीको भङ्गालो रहेकाले सो क्षेत्रका सर्वासधारण आतंकित बनेका छन् ।
तीब्र रुपमा कटान गरिरहेकाले सो टापु कोसीमा बिलय भएर जाने अवस्थामा पुगेकेा स्थानीय वासीले बताएका छन् । नदीले कटान तीब्र बनाएकाले चिलीया टापुका सर्वसाधारण रातभरी सुत्न सकेका छैनन । त्यहाबाट निस्कने एक मात्र साधन डुंगा पनि कोसीमा पानीको बहाब बढेपछि साचालन नहुँदा उनीहरु

गोरु लडाईँ

चीनको गुन्जाउ प्रान्तको दक्षिण पश्चिमा भइरहेको गोरु लडाईँ हेरिरहेका दर्शकहरु । करिव २ सय ५० गोरुहरुले यस परम्परागत लडाईँमा भाग लिएका थिए ।

मिस युनिभर्स- २०१०

मिस युनिभर्स- २०१० का प्रतिस्पर्धी जिटका भल्कोभा र डेनमार्ककी इना सानडरा तस्बिर खिचाउँदै । अन्तिम प्रतियोगिता अगष्ट २३ मा हुँदैछ ।

गायीका आस्था तामाङ मास्के

गायीका आस्था तामाङ मास्के आफ्नो सांगीतिक प्रस्तुति देखाउँदै । उनका मेरो म्यारो मान्छे तिमि, सवै ठिकै हुन्छलगायतका गीत चर्चित छन् ।

नेम्वाङको आहृवानमा बसेको मधेसी मोर्चासहित तीन ठूला दल

सिंहदरवारस्थित आफ्नै कार्यकक्षमा आइतबार सभाध्यक्ष सुवासचन्द्र नेम्वाङको आहृवानमा बसेको मधेसी मोर्चासहित तीन ठूला दल

ईश्वरसँग मेरो ठूलो गुनासो छ

हरिवशं आचार्य
महको नाम लिनेबित्तिकै मुख रसाउँछ। हास्यव्यंग्यमा मदनकृष्ण र हरिवंश यही रसिला स्वादका कारण चर्चित छन्। ३१ वर्ष लामो सहकार्यमा हजारौं व्यङ्ग्यात्मक प्रस्तुति दिइसकेको महजोडी एक-अर्काबिना अपुरो मानिन्छ। यो जोडीमा उमेरले मदनकृष्ण ठूलो भएकाले हरिवंश मदनलाई महत्त्व दिन्छन्। मदनकृष्ण भने आफूभन्दा बढी प्रतिभा भएको भन्दै हरिवंशलाई महत्त्व दिन्छन्। यी दुईबीच बेला-बेलामा सहकार्य तोडिने चर्चा चले पनि दर्शकहरूले उनीहरूको जोडीलाई छुटि्टन दिएका छैनन्। तत्कालीन पञ्चायती व्यवस्थाको विरोध गरेयता उनीहरू लगातार लोकतान्त्रिक आन्दोलनमा सक्रिय छन्। विभिन्न सर्वेक्षणले महको जोडीलाई नेपालका सबैभन्दा लोकपि्रय कलाकार मानेको छ। ३१ वर्षअघि गाईजात्राको अवसर पारेर राष्ट्रिय बैंकको कार्यक्रममा प्रहसन देखाएपछि उनीहरूले लगातार गाईजात्रे कार्यक्रम देखाए। त्यसैले जब-जब गाईजात्रा आउँछ, उनीहरूको कार्यक्रम हेर्न दर्शकहरू मरिहत्ते गर्छन्। यही मेसोमा यसपटक बुढानिलकण्ठस्थित उनीहरूको स्टुडियोमा पुगेर साप्ताहिकले हरिवंश आचार्यसँग लामो कुराकानी गर्‍यो।





गाईजात्रा आएको छ, तर केही वर्षयता दर्शकले तपाईंहरूको गाईजात्रे कार्यक्रम हेर्न पाएका छैनन्, यो दर्शकप्रति अन्याय भएन ?

अन्याय त हामीप्रति पो भएको छ । हामीले गाईजात्रा कार्यक्रम देखाउने अन्तर्राष्ट्रिय सम्मेलन केन्द्र नेताहरूले खोसिदिए । संविधान नामको प्रहसन देखाउन भित्र पसेकाहरू अहिलेसम्म निस्किएका छैनन् । अनि हामीले कहाँ कार्यक्रम देखाउने ?

त्यतिखेरै विरोध गर्नु पर्दैन्ाथ्यो ?

उनीहरू देशका हिरो हुन्, उनीहरूले राम्रो काम गर्लान् भनेर बधाई दिँदै पठाएको, उनीहरू त जोकर पो भएर निस्किए । जोकर होइन, भिलेन नै भए । उनीहरूको विरोध गरौं, अरू नेता विदेशबाट ल्याउन नमिल्ने । नगरौं उनीहरूको प्रहसन हेरेर जनता वाक्क भैसके ।

अब विरोधको स्वर अरू हलबाट उराल्ने हो कि जस्तो राष्ट्रिय नाचघर, एकेडेमी...?

हास्यव्यङ्ग्यमा लागेका अरू पनि कलाकार छन् । हामीले गछौं भन्नेबित्तिकै उहाँहरूको काम ओझेलमा पर्ने भयो । अहिले उहाँहरूले ती हलबाट हाम्रा नेतागणलाई सम्झाउनु हुन्छ, सुन्नुभएन भने हामी पनि मैदानमा उत्रौंला ।

सबै मिलेर एकसाथ कार्यक्रम गरे भैगयो नि ?

के गर्नु, हामी स्टेजमा चढेपछि दुई चार घण्टा ओर्लन मन लाग्दैन । सिनियर भएको फाइदा उठाउँदा अरूलाई अन्याय पर्छ । सबै मिलेर गरौं न भन्ने हो भने दर्शकसँग पाँच-सात घन्टा एकै स्थानमा बस्ने धैर्यता हुँदैन । के गर्ने होला भनेर सोच्दैछौ ।

यसरी सोच्दासोच्दै धेरै वर्ष बितिसके, दर्शकले महले स्टेज बिर्सियो भन्ने आरोप लगाउन थाले नि ?

कलाकारहरूका लागि स्टेज भनेको आमा हो । तिनै आमाले हुर्काइन्, बढाइन् । यहाँसम्म पुर्‍याइन् । उनलाई कसरी बिर्सनु ?

होइन, इलेक्ट्रोनिक मिडिया नामको प्रेमिकाको फन्दामा परेपछि आमा बिर्सिएको आरोप छ नि ?

अँ प्रेमिकाको फन्दामा त परेको हो, तर आमाबाट टाढा लाने प्रेमिका होइनन्, हाम्रा कतिपय दर्शक हुन् । नेपालको कानुन पनि हो ।

कसरी ?

एउटा आधा घन्टाको कार्यक्रम बनाउन पूरा एक महिना लाग्छ । मेहनत गरेर बनायो, तर एक सो देखाउनेबित्तिकै त्यो भिडियोमा खिचिएर देश-विदेश पुग्छ । हामी कति अनुरोध गछार्ंै, यसरी खिच्दा हामी अरू स्थानमा सो देखाउन पाउँदैनौं, हाम्रो लगानी उठ्दैन भनेर हात जोडेर बिन्ती गछौं, तर हृदय नभएका केही व्यक्तिले हाम्रो कुरा सुन्दैनन् । कपी राइटको कानुन पनि लगाउन सक्दैनौ । त्यसो भएपछि चित्त दुख्दो रहेछ । आम्दानी पनि नहुने, सिर्जना पनि अरूले नै चोरेर खाइदिने भएपछि आमाबाट टाढा हुनुपरेको हो, तर आमालाई कसरी बिर्सन सकिन्छ र ?

भनेपछि अब स्टेज कार्यक्रम नगर्ने ?

होइन गर्ने । भिडियो बनाउन कडिकडाउ गरेर कार्यक्रम गर्नुपर्छ । तर के गर्नु ? हाम्रा नेताहरूको रिहर्सल कहिल्यै सकिन लागेन । न संविधान बनाउँछन्, न त ठाउँ नै छाड्छन् । बडा ढिट रहेछन्, यिनीहरू त ।

विदेश पनि जान छाड्नुभयो, बुढेशकाल लागेको हो ?

विदेशमा कार्यक्रम गर्ने हो भने हामी अहिले पनि वर्षको ८ महिना बाहिरै हुन्छौं, तर समस्या त्यही हो । एउटा सहरमा कार्यक्रम गर्‍यो, अगाडि नै सिडी बनेर त्यहाँ हाम्रो कार्यक्रम छ्याप्छ्याप्ती हुन्छ । यस्तो चित्त दुख्ने काम नगरौं भनेर चुप लागेको हो । बुढेसकाल लागेको भए नेपालमा यतिका कार्यक्रम कसरी चल्थे ?

३० वर्षदेखि पत्रकारहरूको संगतमा हुनुहुन्छ । उनीहरूले सोध्ने सबैभन्दा खराब प्रश्न कुन लाग्छ ?

धेरैजसो पत्रकारले सोध्छन्, तपाईर्ंहरू एनजीओको कार्यक्रम गरेर पैसा किन लिनुहुन्छ ? यसरी सोध्छन् मानौं एनजिओ भनेका डन हुन्, उनीहरूसँग पैसा लिनु ठूलो अपराध हो । उनीहरू अपराधी हुन् भने कानुनमा तोक्नुपर्‍यो । हामीले त काम गरेर पैसा लिने हो । त्यो गलत कसरी भयो ?

पत्रकारहरूको चिन्ता एनजीओका कामले महको सिर्जना मर्छ भन्ने हुन सक्दैन ?

चिन्ता त्यो पनि हुन सक्छ, तर हास्यव्यङ्ग्यमा सन्देश पनि गयो भने राम्रै हुन्छ नि होइन र ? मुख बिगारेर विनासन्देश हँसाउनुभन्दा सन्देश दिँदै हँसाउनु राम्रो होइन र ? केही समयअघि हामीले तराई र पहाडका क्षेत्रमा खुला ठाउँमा दिसा बस्ने नेपाली समस्याका बारेमा कार्यक्रम बनाएका थियौं । एकाइसौं शताब्दीका नेपालीहरूलाई यसरी दिसा गर्नुपर्छ भनेर सिकाउनुपर्छ । अब महले यसरी दिसा बस भनेर सिकायो भने जनता मान्न तयार छन् अरूले भनेको मान्न तयार छैनन् । अनि के गर्ने त तपाईं नै भन्नुहोस् ।

पृष्ठ ५ बाट जारी

पत्रकारले धेरै सोध्ने प्रश्नचाहिँ कुन हो ?

तपाईंहरूको भेट कहाँ भयो ? जोडी कसरी बन्यो ? इत्यादि । यो प्रश्नको उत्तर हामीले एक लाखपटक दिइसक्यौं होला । त्ौपनि त्यही प्रश्न ? म त छक्क पर्छु ।

तपाईंले सबैभन्दा धेरै झूटो उत्तर दिएको प्रश्न ?

म आफूले बोलेकामध्ये ५० प्रतिशत झूटो बोल्छु । किनभने मानिसले कहिले पार्टीमा बोलाउँछन्, कहिले कार्यक्रममा ? यस्तो बेलामा म बाहिर छु, भ्याउँदिनँ, सुटिङ छ भनेर ती कुरालाई टारिदिन्छु । पत्रकारको प्रश्नमा भने मैले त्यति धेरै झूटो बोलेजस्तो लाग्दैन ।

यो देशमा कलाकार भुवन केसी प्रधानमन्त्री भए भने तपाईंको प्रतिक्रिया के हुन्छ ?

अहिलेभन्दा राम्रो हुन्छ । किनभने भुवन केसीले त जति सिनेमा बनाए, हिट भए । उनी आफ्नो काम कति गम्भीरताका साथ गर्छन् भन्ने कुरा त दुनियाँले देखिसकेको छ । तोकिएको समयमा संविधान नबनाउने नेताहरूले प्रधानमन्त्रीको पद भुवन केसीलाई दिँदा हुन्छ ।

अनि मन्त्रिमण्न्डलचाहिँ कस्तो बनाउनुपर्ला ?

प्रधानमन्त्री भुवन भएपछि मन्त्रिमण्डलमा पनि कलाकारकै भए राम्रो गाईजात्रा हुन्छ । त्यसका लागि रेखा थापालाई परराष्ट्रमन्त्री बनाउनुपर्ला । किनभने सुजाताभन्दा त रेखा नै ठीक होलिन् । रेखा भएपछि प्रचण्ड पनि मख्ख पर्ने । त्यसो भए बन्द-हड्ताल पनि नहुने । अर्थमन्त्री भने भुवनकै श्रीमती सुस्मितालाई बनाउनुपर्छ । उनी सिनेमा बनाउँदा एक-एक पैसाको हिसाब-किताब राख्छिन् रे । गृहमन्त्रीका लागि राजेन्द्र खड्की ठीक होलान् । उनी फिलिममा भिलेन भए पनि असलमा अपराधीलाई ठोक्न माहिर छन् । अँ सञ्चारमन्त्रीमा ऋषि धमलालाई राख्न्ाुपर्ला । किनभने उनले आजभोलि टेलिभिजनअघि उभिन छाडेर अभिनय गर्न थालेका छन् रे ।

मन्त्रिमन्डलमा महको मन्त्रालय कुन होला ?

हामीलाई शिक्षा सहायक मन्त्री बनाए हुन्छ । किनभने हामीले जति यो देशमा जनचेतनाको काम गरेका छौं, त्यो सायदै कुनै मन्त्रीले गरेको होला । एड्ससम्बन्धी कार्यक्रम बनाउनुपर्‍यो भने हामी संसारभरको एड्सको रिपोर्ट पढ्छौं । हामीले जति पनि कार्यक्रम बनायौं, त्यसमा लामो ठेलीका ठेली अध्ययन गरेका छौं । यी मन्त्रीभन्दा त हाम्रो पो अध्ययन बढी छ भन्ने लाग्न थालेको छ ।

आजभोलि पत्रपत्रिकामा हरिवंशको मात्र अन्तरवार्ता आउँछ, बाहुन पत्रकारहरूले मदनकृष्णलाई पाखा लगाउँदैछन् भन्ने रिपोर्ट मदनकृष्णकहाँ पुग्छ रे, के भन्नुहुन्छ ?

पहिले भोट पाउन नेताहरूले जातको बी रोपेका थिए । अहिले त्यो वनमाराजस्तै यसरी फैलिसक्यो, जसले समाज र देशलाई नै विषाक्त बनाउन थालेको छ, तर यस्तो बीउ हाम्रो बीचमा रोप्दा त्यो बीउ तुरुन्तै मर्छ । बीउ रोप्ने मानिसले उल्टै गाली खान्छ । किनभने यस्तो बीउ उम्रन अनपढ हुनुपर्‍यो । संसार नबुझेको हुनुपर्‍यो । हामी त्यति मुर्ख छैनौं ।

राजधानीलाई काठमाडौंबाट चितवन सार्ने कुरा भैरहेको छ, कस्तो लागेको छ ?

चितवनमा किन वर्षौंदेखि गैंडा मारिरहेका छन् ? किन जंगल मासिरहेका छन् भनेको त बल्ल बुझें । यही राजधानी सार्नका लागि पो रहेछ । काठमाडौंको खेती योग्य जमिन मासेर नेताहरूको रहर पुगेनछ । अब जंगली जनावर र जंगल मास्ने योजना बनेछ ।

पूर्व मेचीदेखि पश्चिम महाकालीसम्म बिजुलीबाट चल्ने रेलको डिजाइन बनिरहेको छ रे, खुसी लागेको छैन ?

एउटा बल्भ बाल्न बिजुली नपुगेर लोडसेडिङ गर्नुपरिरहेको अवस्थामा बिजुलीको रेल चलाउने रे ? कसरी चल्छ ? के ५ सय ९९ सय सभासदले ठेलेर चलाउने ?

यदि मदनकृष्ण श्रेष्ठ अथवा तपाईंमध्ये एक जना युवती हुनुभएको भए ?

हाम्रो भेट नै हुँदैनथ्यो । किनभने केटीको संगत गर्ने हाम्रो बानी छैन ।

यो मित्रता देख्दा त तपाईंहरूको विवाह नै हुन्थ्यो भन्ने लाग्छ, होइन र ?

मदनकृष्ण श्रेष्ठ मेरो दाइ हुनुहुन्छ । म युवती भएको भए पनि उहाँ मेरो दाइ नै हो । दाइ र बैनीको विवाह भएको देख्नुभएको छ ?

आफूले गरेको अभिनयमा विश्वास नलागेको क्षण छ ?

आमा टेलिश्रृंखलाकी आमाको अभिनय मैले नै गरेको हो भन्ने कुरामा म कहिलेकाहीं अविश्वास गर्छु । म ५ फिट १० इन्च अग्लो व्यक्ति कुप्री आमाको अभिनय गरेको थिएँ । त्यो यति सजीव भएछ कि मलाई नै म हो जस्तो लाग्दैन । अफगानिस्तानमा बसेका नेपालीहरूले पनि यही विषयमा चर्चा गरेका थिए ।

नेपाली नेताहरूमध्ये राम्रो कलाकार को हो जस्तो लाग्छ ?

सबै कलाकार नै हुन् । नेता त उनीहरूको नाम मात्र जोडिएको हो । केपी ओली र कृष्णप्रसाद भट्राई चाहिँ हास्यव्यङ्ग्यकार नै हुन् । उनीहरू जे बोल्छन्, त्यसमा हास्य र व्यङ्ग्य लुकेको हुन्छ ।

जीवनमा तपाईंले धेरै पाउनुभयो, ईश्वरसँग कुनै कुनासो बाँकी छ ?

ईश्वरले मलाई नेपालमा जन्म दिए । यो देशमा कति राम्रो हिमाल छ, हरियाली पहाड छ । कति राम्रो वातावरण छ । विश्वमै कतै नभएको विविधता यो सानो मुलुकमा छ । यस्तो सुन्दर देशमा एउटा गतिलो नेता नजन्माइदिएकोमा भने मलाई ईश्वरप्रति ठूलो गुनासो छ ।

माया गर्न सिक्दै

हलिउड नायिका डि्रउ बेरीमोरले आफूलाई माया गर्न नआउने अभिव्यक्ति दिएकी छिन् । 'मलाई अहिले पनि माया-प्रेमका बारेमा धेरै कुरा थाहा छैन, सुन्दर नायिका बेरीमोर भन्छिन्- 'माया कसरी गर्ने भन्ने कुरा सिकिरहेकी छु ।' चलचित्र 'चार्लिज एञ्जल' बाट लोकपि्रय भएकी बेरिमोरले जस्टिन लङसँगको सम्बन्धलाई समेत अस्वीकार गरेकी छिन् । बेरिमोर भन्छिन्, 'जस्टिनले मेरो निजी जीवनको ढर्रा नै परिवर्तन गरिदियो । जस्टिनसँगको मेरो सम्बन्धमा माया थिएन, त्यो एउटा आकर्षक मात्र थियो ।' बेरीमोरले भर्खरै मात्र माया कस्तो हुन्छ भन्ने कुरा अनुभव गर्न थालेको बताएकी छिन् । 'म अब गाँसिने प्रेमसम्बन्धलाई मात्र प्राथमिकता दिन्छु, बेरीमोरको दाबी छ- 'यसअघिका प्रेम केवल लहड मात्र थिए ।'

यौनका लागि राजनीति

यौनका विषयमा कुनै पैरवी नभएपछि अस्ट्रेलियामा गठन भएको सेक्स पार्टीले आगामी निर्वाचनको मुद्दा नै यौनका विषयमा केन्दि्रत गरेको छ । यौन जीवनको अपरिहार्य कार्य भए पनि यसलाई छाडा रूपमा हेरिने हुनाले पनि सेक्स पार्टीले आफ्नो चुनावी मुद्दा नै यौनलाई हेर्ने दृष्टिकोणमा परिवर्तन हुनुपर्ने बनाएको छ । यसका लागि अस्ट्रेलियामा स्टि्रप डान्सरका रूपमा नाम कमाएकी जहरा स्टारडस्टलाई उम्मेदवारको छ । वास्तविक नाम मारिया लेसम्यान भए पनि उनलाई स्टि्रप डान्सले ख्याति दिलाएका कारण सबैले जहरा नामले नै चिन्छन् । २७ वषर्ीया जहराले अहिले आफ्नो चुनावको प्रचार-प्रसार सडक पेटीमा रहेका पोलहरूमा स्टि्रप डान्स गरेर, युवाहरूलाई कन्डम वितरण गरेर गरिरहेकी छिन् । जहरा भन्छिन्- हामीले यौनप्रति सकारात्मक धारणाको विकास गर्नुपर्छ । यसका लागि विद्यालयस्तरदेखि नै यौन शिक्षालाई लागू गर्नुपर्छ भने समिलिंगी विवाहलाई पनि मान्यता दिनुपर्छ ।

भयो रमितै रमिता

साउन ३० गते, आइतबार बिहानका अखबारहरूमा प्रकाशित एउटा खबरले नेपालको मोडलिङ क्षेत्रमा सनसनी मच्चायो । यसैपनि बेइज्जतिको भुमरीमा घुमिरहेको मोडलिङ क्षेत्रलाई त्यो खबरले बदनामीकै खाडलमा जाक्न खोजेको पाइयो । खबर पढेर मोडलिङसँग आबद्ध कतिपयलाई चिनेजानेकाहरूले लोप्पा ख्वाउन मात्र बाँकी राखे । वास्तवमै त्यो खबर मोडलिङ पेसामा आबद्ध सम्पूर्ण संघ, संस्था तथा व्यक्तिहरूलाई झकझकाउने किसिमकै थियो । मोडल रूपमा केही चर्चा बटुलेकी रमिता भण्डारी तथा उनकी साथी मोडललाई विदेशमा केटी बेचेको आरोपमा प्रहरीले पक्राउ गरेको समाचारले मोडलिङ पेशामा आबद्ध एजेन्सी तथा व्यक्तिहरू चकित भए ।

शनिबार ललितपुरको इमाडोलबाट ती दुई युवतीलाई प्रहरीले पक्राउ गरेको थियो । उनीहरूम्ााथि एउटी अर्की महिलाले झुक्याएर विदेशमा लगेर नांगो नाच नचाइने रेस्टुराँमा पुर्‍याइएको आरोप लगाएकी छिन् । ती महिला हुन्, काठमाडौंकी अनिता नकर्मी । जनसेवा प्रहरीका प्रहरी निरिक्षक अवदेश विष्टका अनुसार कुटपिट र असुलीको आरोपमा अनिताले प्रहरीमा लिखित जाहेरी दिएपछि रमिता तथा अर्की मोडललाई सोधपुछका लागि बोलाइएपछि उनीहरूको बयान तथा अनिता र रमिताबीचको विवादले मुद्दाको स्वरूप फेरियो । त्यसपछि अनुसन्धानका लागि अवदेशले उक्त मुद्दालाई जिल्ला प्रहरी कार्यालय, हनुमानढोका पठाइदिएको बताए । रमिताकी साथी तथा अर्की मोडल भने उक्त घटनामा निर्दोष देखिएकीले उनलाई छाडिएको छ भने सिंगापुर बस्दै आएका रमिताको साथी रबल श्रेष्ठलाई भने अनुसन्धानकै लागि प्रहरी नियन्त्रणमा राखिएको छ ।

घटनाक्रम

रमिताका दाई रमेशमणी भण्डारी निकै वर्षदेखि सिंगापुर बस्दै आएका छन् । पारिवारिक सूत्रका अनुसार उनी सिंगापुरका बिजनेस कार्डवाहक हुन् । रमिताका प्रेमी रबल श्रेष्ठ -प्रहरी बयानमा जसलाई उनले आफ्नो श्रीमान् बताएकी छिन्) पनि सिंगापुरमै बस्छन् । त्यसैले पनि रमिता २००६ देखि सिंगापुर आउने-जाने भैरहेकै थियो । गत फेब्रुअरीमा रमितासंग अनिता रमिताकी मोडल साथी तथा अर्की एक डान्सर युवतीसँगै सिंगापुर उडेका थिए । रमिताका अनुसार उनीहरू २३ दिन सँगै बसेर रमाइलो गरे । यताबाट उड्ने अघिल्लो दिन रमिता अनिताकै घरमा बसेकी थिइन् र उनीहरू अनिताकै घरबाट साइतको टीका लगाएर बिदा भएको उनको भनाइ छ । उनको भनाइ स्वीकार गर्ने हो भने रमिता र अनिताबीच पृष्ठ १ बाट जारी

गहिरो मित्रता भएको पुष्टि हुन्छ । अनिताको भनाईमा उनीहरुबीच पारिवारिक नाता भएकाले विश्वासको सम्बन्ध थियो । रमिताकी आमा चन्द्रादेवी भण्डारीले जनाएअनुसार अनिताको परिवारसँग उनीहरूको पारिवारिक सम्बन्ध छ । अनिता रमिताकी बहिनीकी नन्द हुन् । विवाहित अनिताकी एउटी छोरी पनि छिन् । अनिताका दाइले रमिताकी बहिनीलाई भगाएर विवाह गर्दा रमिताको परिवारको उनीहरूसँग सामान्य विवाद भएको थियो । जुन विवाद प्रहरीसम्म पुगेको थियो । यद्यपि त्यो विवाद त्यतिबेलै साम्य भैसकेको रमिताकी आमाका साथै अनिताका दाइ पनि बताउँछन् ।

अनिताले जनसेवा प्रहरीमा दिएको जाहेरीअनुसार सिंगापुर जाने क्रममा उनले ७ हजार ८ सय सिंगापुर डलर अर्थात रु. ५ लाख ७७ हजार २ सय नेपाली रुपैयाँ दिएको र सिंगापुरबाट फर्किएपछि उक्त रकम माग्दा आफूमाथि कुटपिट भएको थियो ।

गत मंगलबार दुवै हातमा हथकडी लगाएको अवस्थामा रमितालाई जिल्ला प्रहरी कार्यालय, हनुमानढोकामा भेट्दा उनले दावी गर्दै भनिन्- 'मैले ऊसँग पैसा लिएकै छैन ।' अनिताको दावी छ कि उनको परिवारले नेपालबाट उनको नाममा पैसा पठाएको र सिंगापुरमा आफ्नो एकाउण्ट खोल्न नमिल्ने भएकाले त्यो पैसा उनले रमिताको दाइको एकाउन्टमा जम्मा गरेकी थिइन्, तर त्यो कुरा गलत भएको रमिताको दाबी छ । रमिताले भनिन्- 'कार्यक्रमको सिलसिलामा हामी सिंगापुर जाने-आउने गरिरहेका थियौं । शनिबार पनि म साथीसंग सिंगापुर जाँदै थिएँ ।' रमिताले अडान लिँदै भनिन्- 'उनी ब्युटिसियनको ट्रेनिङका लागि सिंगापुर गएकी होइनन् । अनिताको उद्देश्य सिंगापुर गएर स्टुडेन्ट पास एप्लाई गरेर पढ्ने थियो । उनी उता त्यसका लागि प्रयत्न गरिरहेकै अवस्थामा हामी स्वदेश फर्कियौं । त्यसपछि के भयो, हामीलाई थाहा छैन । हाम्रो दोष यति मात्र हो कि उनी हाम्रो साथ लागेर उता गएकी थिइन् ।' अनिताले भने उक्त भनाइको खण्डन गरेकी छिन् । -हेर्नुहोस् बक्स)

जिल्ला प्रहरी कार्यालयका प्रहरी निरीक्षक कृष्णप्रसाद पंगेनीका अनुसार अब यो मुद्दामा सरकार वादी भैसकेको छ । उजुरी अनिताले गरे पनि मानव बेचबिखेनको अभियोगमा रमितामाथि जिल्ला अदालतमा मुद्दा चलाइसकिएको छ । पंगेनीले भने- 'मुद्दाको सुनुवाइ नभएसम्म मानव बेचबिखेनजस्तो जघन्य अपराधको अभियोग लागेकाले अनुसन्धानका क्रममा पुर्पक्षका लागि कम्तीमा छ महिना थुनामा राख्न सकिन्छ ।' यदि अभियोग प्रमाणित भयो भने नेपालको प्रचलित कानुनअनुसार मोडल रमिता भण्डारीले १५ वर्ष कैद सजाय पाउन सक्ने उनले बताए ।

काम लगाउने भनी पर्यटक भिसामा सिंगापुर लगिए पनि दुई महिनामै भिसा सकिएर स्वदेश र्फकनुपरेको अनिताले प्रहरीलाई बताएकी छिन् । स्वदेश फर्किएपछि रमिताकै पहलमा उनी काठमाडौंमा लुकेर बसेको अनिताको भनाइ छ । परिवारले काठमाडौंमै भएको थाहा पाएपछि उनलाई घर लगेको बताइन्छ । 'यदि त्यसो हो भने र्फकनेबित्तिकै उनले किन उजुरी गरिनन् ? तत्काल किन घर परिवारको सहयोग लिइनन् । जबकि उनको र मेरो परिवारबीच राम्रै सम्बन्ध थियो र मैले उनलाई कतै बन्धक बनाएर राखेकी थिइनँ । उनी आफै लुकेर बसेकी थिइन ।'

-रमिताले उक्त कुराको खण्डन गर्दै भनिन् । प्रहरी भनाइमा यो एउटा 'र्‍याकेट' हो, जसमा रमिता कुनै न कुनै रूपमा सामेल छिन् । प्रहरी नायब उपरिक्षक केदार ढकाल भन्छन्- 'गल्ती गर्नेले कहिल्यै आफूलाई गलत भन्दैन । रमिताको मुद्दा पनि त्यस्तै हो । उनी कुनै न कुनै रूपमा यो मुद्दामा सामेल हुनुपर्छ । त्यो कुराको अनुसन्धान भैरहेको छ ।' जनसेवा प्रहरीका निरीक्षक अवदेश विष्ट यो मुद्दामा लहरो तान्दा पहरो जान सक्ने कुरालाई नकार्न नसक्ने बताउँछन् । उनले भने- 'मेरो मातहतबाट मुद्दा हनुमानढोका पुगिसकेको छ । अनुसन्धान गर्दा केही नाम चलेका मानिस पनि नपर्लान् भन्न सकिँदैन ।'

रमिता भने प्रहरीले आफुलाई फसाउन खोजेको बताउँछिन् । उनले भनिन्- 'यदि प्रहरीले मलाई अपराधी मान्छ भने प्रमाण दिनुपर्‍यो ।' उनका अनुसार प्राप्त भिडियो र केही तस्बिरलाई प्रमाण मान्न सकिँदैन । यस विषयमा जान्न खोज्दा प्रहरी स्रोतले अनुसन्धानकै क्रममा रहेकाले भिडियो र तस्बिरमा भएका कुरा खुलस्त बताउन वा देखाउन नमिल्ने बतायो । हिरासतमा रहेका रमिताका पति रबल श्रेष्ठ को उक्त मुद्दासँग कुनै सम्बन्ध नभए पनि प्रहरीले उनलाई बिनाकारण थुनामा राखेको भन्दै रमिताले आपत्ति जनाएकी छिन् ।

काम खराब होइन

यो मुद्दाका कारण मोडलिङ क्षेत्रमा नकारात्मक प्रभाव परेको कुरालाई नकार्न सकिूदैन । पेसागत रूपमा स्थापित नभएको अवस्थामा मोडलिङलाई पेसा बनाउन खोज्ने युवापुस्ताप्रति समाजको दृष्टिकोण नकारात्मक हुन सक्ने अनुमान लगाउन सकिन्छ । अर्कातर्फ अन्य वेबसाइटहरूका लागि पनि तस्बिर खिचाएकी रमिताको मुद्दाको खबरमा आफ्नो साइटको मात्र नाम उल्लेख गरिएकोमा साइबरसंसार डटकमका सञ्चालक अभिनव कसजुले आपत्ति जनाएका छन् । मोडलिङका लागि तस्बिर खिचाउनु र कुनै अभियोगमा पक्राउ पर्नु फरक कुरा हो, तर रमिताका बारेमा प्रकाशित खबरहरूमा साइबरसंसार डटकमको नाम मात्र अखबारहरूमा प्रकाशित गरिएकोमा उनले खेद प्रकट गरेका छन् । प्रहरी नायब उपरिक्षक केदार ढकाल भन्छन्- 'मोडलिङ गर्नु, चलचित्रमा अभिनय गर्नु नराम्रो काम होइन । त्यो पनि इज्जतदार पेसा हो ।' ढकालको रायमा कानुनले तोकेका कुनै पनि काम खराब हुँदैनन्, बरु काम गर्नेहरू खराब हुनसक्छन् ।







को हुन् रमिता भण्डारी ?

मोडलिङ क्षेत्रमा परिचित नाम हो, रमिता भण्डारी । सन् २००२ को मिस नेपालकी एक प्रतिस्पर्धी रमिताले सन् २००० मा सम्पन्न मिस्टर एन्ड मिस हेटौंडामा मिस हेटौंडाको उपाधि जितेकी थिइन् भने आईसीको फेसन विकलगायत दर्जनौं फेसन शोमा सहभागिता जनाइसकेकी थिइन् । उनले अल नेपाल मोडल कम्पिटिसन-२००२, बेस्ट कपल अफ द इयर-२००३ मा पनि उपाधि जितेकी थिइन् । दर्जनौं विज्ञापन तथा म्युजिक भिडियोमा पनि उनले अभिनय गरेकी छिन् । यसका साथै रमिताले आफ्नै स्वर, सङ्गीत र साहित्यमा एकल गीति एल्बम ँटिनएजर्स’ निकालेकी थिइन् । यसका साथै उनले ँअधुरो प्रेम’ शिर्षकमा एउटा कृति पनि सार्वजनिक गरेकी थिइन् । मूलघर हेटौंडा भए पनि उनी ललितपुरको इमाडोल बस्दै आएकी थिइन् । ५ फिट ७ इन्च अग्ली रमिताले बीबीएससम्मको अध्ययन पूरा गरेकी छिन् ।



कुरा अनिताको

काठमाडौंको ओमबहाल बस्ने अनिता नकर्मी विवाहित महिला हुन् र उनकी सात वषर्ीया छोरी पनि छिन् । सामान्य ब्युटिसियनको कोर्सपछि एड्भान्स कोर्ष गर्न उनी विदेश जान चाहन्थिन् । त्यही सन्दर्भमा सिंगापुरमा ब्युटिसियनको एडभान्स टे्रनिङ गराउने भनेर रमिताले उनलाई सिंगापुर पुर्‍याएको नकर्मीको दाबी छ । उनले साप्ताहिकसँग भनिन्- 'हामी फागुन १० गते मेरै घरबाट साइत जुराएर एयरपोर्ट गएका थियौं । रमिताका साथमा उनकी एउटी मोडल साथी र अर्की एक जना डान्सर युवती पनि थिइन् । मलाई त्यहाँ भिजिट भिसामा लगिएको थियो । रमिताले उता पुगेपछि वर्किङ पास दिलाउने आषा देखाएकी थिइन् । सिंगापुर पुगेपछि एक महिनाजति हामी पारिवारिक वातावरणमा रमाइलो मानेर बस्यौं । त्यतिबेला हामीसँग उतै बस्ने उसको दाइ रमेश र श्रीमान् रबल पनि थिए । आज-भोलि गर्दागर्दै मसँग भएको पैसा पनि सकिन लाग्यो, तर पनि उनीहरूले आषा देखाउन छाडेका भने थिएनन् । आफ्नी भाउजूकी दिदी भएकीले मैले रमितालाई पूरा विश्वास गरेँ । समय कटाउन एउटा फ्याक्ट्रीमा हप्ताको चार दिन प्याकेजिङको काम पनि गरेँ ।

त्यतिबेलासम्म मैले उनीहरूको रहन सहन तथा व्यवहार नजिकबाट जान्ने मौका पाइसकेकी थिएँ । यद्यपि मेरो काम हुन्छ कि भन्ने आषा ममा थियो । मैले त्यतिबेला घरबाट पैसा मगाए र रमिताको दाइको खातामा जम्मा गरिदिएँ । दाइले भने आफ्नो कुलतमा त्यो पैसा सकेछन् । उनीहरू यहाँबाट फकाएर केटीलाई लाने र डान्सबारमा डान्सर नभए रेस्टुराँमा वेटर काममा लाग्न विवश पार्दा रहेछन् भन्ने पनि थाहा पाइसकेकी थिएँ । मेरो भिसा सकिन लागेपछि मलाई मलेसिया गएर आउने र सिंगापुरको नियमअनुसार फकर्ंदा इमिग्रेसनले एक महिनाको भिजिट भिसा दिने बताइयो । त्यही आषामा मलेसिया पुगेर र्फकंदा मैले भिसा पाइनँ । त्यतिबेलासम्म रमिता काठमाडौं फर्किसकेकी थिइन् ।

म पनि काठमाडौं आउने भएँ । रमिताले मलाई फकाई-फुल्याई यहींबाट पासको व्यवस्था गरिदिने र त्यसका लागि केही दिन कुर्नुपर्ने बताएर एयरपोर्टमा लिन आएर सुटुक्क उनको इमाडोलको घरमा लगेर बन्धकजस्तो गरी राखिन् । मेरा श्रीमान् तथा परिवारलाई म सिंगापुरमै छु र त्यहाँ काम गरिरहेकी छु भन्ने भ्रममा राखियो । नौ दिन बित्दा पनि पासको व्यवस्था नभएपछि मैले रमितासँग गुनासो गरेँ । केही महिला डान्सरलाई सिंगापुर पठाउन लागेको र त्यसबाट पैसा आएपछि मेरो पास मिलाइदिने भनेर मलाई सोह्रखुट्टेस्थित होटल रिभर साइड होलिडे इनमा पुर्‍याइयो । रमिताले मलाई होटल बाहिर ननिस्कनु भन्ने सुझाव दिएकी थिइन् । म पनि त्यत्रो धेरै पैसा सकेर खाली हात श्रीमान् र परिवारलाई भेट्दा बेइज्जत हुने डरले उनले भने जस्तो गरिरहेँ । यद्यपि मलाई दिइएको ल्यापटपबाट श्रीमान्सँग च्याट गरिरहन्थे । मैले त्यतिबेला श्रीमान्लाई म सिंगापुरमै छु र काम गरिरहेकी छु भनेर ढाँटिरहे । किनभने अझै रमिताप्रति आषा बाँकी थियो । मैले आफ्नै नाता पर्ने मान्छेले मप्रति छल गरिरहेकी छ भन्ने कल्पनासम्म पनि मैले गरेकी थिइन् । त्यसपछि म उनीसँग सल्लाह गरेर नजिकै एउटी दिदीको घरमा बस्न थालेँ । त्यतिबेलासम्म मैले परिवारलाई खबर गरेकी थिइनँ । रमिताले मलेसिया जाने व्यवस्था मिलाउन थालेपछि मलाई शंका लाग्यो । किनभने मलेसियामा पठाइने युवतीहरू खराब काममा लगाइन्छन् भन्ने मैले थाहा पाइसकेकी थिएँ । मैले जान्न भनेर आफ्नो परिवारको सम्पर्कमा आएँ । रमितासँग इमाडोलमा उनको घरमा श्रीमान्सँग भेटेर सबैकुरा राख्दा नराख्दै मनपरी बोलेर उनले मलाई लात्तीले हान्न थालिन् । मेरो श्रीमान्ले झगडा नगर भन्दाभन्दै पनि मलाई लखेटी लखेटी प्रहार गर्न थालिन् । भखरै महिनावारी सकिएको पेटमा हान्दा मेरो ब्लिडिङ पनि भयो । म श्रीमान्सँग घर फर्किए । पछि उनले जनसेवामा उल्टो मैले कुटेको भनी मौखिक जाहेरी दिइछन्, अनि मैले पनि उनका विरुद्ध बयान दिएपछि उनीहरूकै गल्ती देखेर प्रहरीले पक्राउ गरेको हो ।

धरानको चिनारीः बुढासुब्बा मन्दिर

गोविन्द बस्नेत

धरान÷ धार्मिक एवं पर्यटकीय स्थलको रुपमा परिचित धरान १४ मा रहेको बुढासुब्बा मन्दिरको नाम नसुन्ने र आफ्नो मनोकांक्षा पूरा गर्नका लागि पूजा आजा गर्नका लागि त्यहाँ नफग्ने शायदै कमै मानिस होलान् । यहाँ पूजाआजाका लागि देशभरबाट हैन भारतबाट समेत आउने गरेका छन् ।
वर्षमा ११ महिना बली चढाउन मिल्ने र विशेषगरी साउनभरी सोह्र सराद औशी एकादशी रामनवमी स्वस्थानीको सांग्येमा बली नचढाउने गरिएको पाइएको छ ।
बुढासुब्बा मन्दिरको इतिहास हेर्दा यो मन्दिर कहिले स्थापना भएको हो भन्ने कुरा त्यहाँका पुजारी साचालक समितिका पदाधिकारीसमेतलाई ज्ञात छैन । यहाँसम्म कि हामीले मान्दै आएका बुढासुब्बा को हुन् भन्नेसम्म एकिन तथ्याङ्ग नभएको त्यहाँका पुजारीहरु बताउँछन् ।
यसै सम्बन्धमा बुढासुब्बा मन्दिरमा पुजारीका रुपमा कार्यरत पुष्प आलेसँग सम्पर्क राख्दा उहाँले ुबुढासुब्बाु बाजे घुम्दै तथा शिकार खेल्दै आउँदा विजयपुर आइपुगे । यहाँ आइसकेपछि उनलाई यस ठाउँ विजयपुर अत्यन्तै राम्रो लाग्यो र आफूले शिकार खेल्न प्रयोग गरिएको धनुष गुलेली त्यहीँ गाँडेर आफू विलय भएको र आफ्ना दाजु हराएपछि बैनी गौरेनी माता खोज्दै आए पनि उनी विजयपुर पुग्दासमेत दाजुलाई नभेटेपछि उनी विलय भएको बताउनु भयो । त्यस स्थानमा गाडेको बासको धनुषबाट बास उमे्रको र त्यसैकारण बासको टुप्पोृ नभएको समेत जानकारी दिनुभयो ।
यसै सम्बन्धमा श्री बुढासुब्बा मन्दिर साम्भार तथा संरक्षण समितिका सचिव तथा १४ नं। वडा समितिका सचिव उत्तम आलेसँग बुझ्दा उहाँले भन्नुभयो-यो कहिलेदेखि स्थापना भयो भन्ने उनलाई पनि थाहा छैन तर म सानो छँदा डि।आर।राईले एउटा ुश्री बुढासुब्बा मन्दिरु लेखिएको बोर्ड राखेको चाँहि थाहा भएको बताउनु भयो ।
खास गरेर बुढा सुब्बा को हुन त भन्ने सवालमा उहाँले भन्नुभयो-ु बुढासुब्बा को हुनुहुन्छ यसको खासै इतिहास छैन यसको बारेमा हामी चाँडै नै एउटा पुस्तक निकाल्ने तयारीमा छौ ।ु उहाँले थप्नुभयो-प्राय गरेर भुताभुङ्गे दरबारका मन्त्री ुबुद्धिकर्णुको समाधि हो पनि भन्छन् यसको खासै इतिहास थाहा हुन सकेको छैन ।ु्
बुढासुब्बा मन्दिरको विषयमा विभिन्न विद्वानहरुले बेग्लाबेग्लै तर्क पेश गरेका छन् । इतिहासकार ज्ञानमणि पोख्रल्े सिएन देवान याख्या पाथिक कवि स्व। लक्ष्मी आचार्यलगायतले आ-आफ्ना तरिकाले आफूले प्रकाशित गरेको पुस्तकमा व्याख्खा गर्नु भएको छ
दैनिक पूजाआजाका लागि भिड हुने मन्दिरमा विशेष गरी शनिवार र मंगलबार धेरै भक्तजनहरु आउँछन् । विशेष गरी भक्तजनहरुद्वारा कुखुराको भाले र पोथी अण्डा रक्सी लगायतका सामाग्री चढाउने गरिएको पाइएको छ ।
यहाँ पूजा गर्दा चढाएको टाउको कलेजो रक्सी आदि विक्री गर्ने गरेको सुनिन्छ नि भन्ने प्रश्नमा सचिव आलेले भन्नुभयो-त्यस्तो गरेको भए हामी अहिले कुन स्थितिमा पुग्ने थियौं । हाम्रो पुस्ताले यहाँ १५ पुस्ता बिताएको छ । आजसम्म यस्तो केही नभएको बताउनुभयो । खास के हो त भन्ने सवालमा उहाँ भन्नुहुन्छ-ुकुखुरा बनाउने ठाउँको पनि हामीले व्यवस्था गरेका छौंैं । भक्तजनहरुले चढाएको कुकुरा बनाइदिए वापत दश रुपैयु लिन्छन् । उनीहरुबाट जाँते कलेजो आदि मास हामी सबैलाई बाँडी दिन्र्छौं । त्यो बेचेको होइन ।ु
उहाँले थप्नुभयो-ुहामीले बाँडेको प्रसाद कसैले होटलमा लगेर बेचेको हुनसक्छ त्यो हामीलाई थाहा हुनसकेन ।
बाँसकाबारेमा जिज्ञासा राख्दा उहाँले-अहिलेसम्म यहाँ रहेको बासको टुप्पो नभएको बताउनु भयो । उहाँले पहिलेपहिले बासमाजोडीको नाम लेख्ने गरेको र अहिले त्यसलाई रोक लगाएर धागो बाँध्न अनुरोध गरेको बताउनु भयो । किन त्यसरी बाँसमा रोक लगागाउनु भएको छ भन्ने सवालमा सचिव आले भन्नुहुन्छ-ुत्यसरी बाँसमा लेख्दा बाँसहरु मर्न थाले ।ु
स्मरण रहोस् बासमा प्रेमी प्रेमिकाको नाम लेख्यो भने त्यो जोडीको प्रेम सफल हुन्छ भन्ने जनविश्वास रहेको छ । उहाँ यस मन्दिरलाई कहीँबाट सहयोग नआएकोमा भने दुःखी हुनुहुन्छ । उहाँ भन्नुहुन्छ-ुहामी नगरपालिकालगायत विभिन्न निकायमा बारम्बार गयौ तर सबै निकायबाट बेवास्ता गरियो ।ु त्यसो भए मन्दिर साचालनार्थ रकम चाहिँ कसरी जुटाउनु हुन्छ त भन्ने सवालमा उहाँले-ुमालाको व्यापार गर्ने व्यापारीबाट मासिक २ सय सवारी साधनको पार्किङ शुल्क रु ५ बाट र मन्दिरमा चढाएको भेटी बाट मन्दिर साचालन भएको बताउनुभयो । उहाँले मन्दिर रेखदेखका लगायत मन्दिर सम्बन्धी सम्पूर्ण कार्यका लागि कर्मचारीसमेत राखेको जानकारी गराउनुभयो ।
त्यस्तै भक्तजनहरुमध्ये धरानका लक्ष्मण थापासँग तपाईलाई बुढासुब्बाको विश्वास लाग्छ त भन्ने सवाल गर्दा उहाँले-ुलाग्छ र त यहाँ पूजा गर्न आएकोु भन्ने जवाफ दिनुभयो । उहाँले आफू प्राय गरेर बुढासुब्बा मन्दिरमा पूजा गर्न आइरहने बताउनु भयो । बुढासुब्बाको प्रवेशद्वार भने प्रवासमा भएका नेपालीहरुको सहयोगबाट निर्माण गरिएको हो । प्रवेशद्वारामा सहयोग गर्ने नेपालीको नाम प्रष्ट रुपमा देख्न पाइन्छ ।
सबैभन्दा रोचक कुरा के छ भने पूजाआजा सकिएपछि यहाँ पूजारी नवराज पुलामीलाई जोखना हेराउने गरिन्छ । जोखना हेराउँदा भविष्यको कुरा पुग्ने जनविश्वास रहेको छ । यसै सम्बन्धकमा पुजारी पुलामीसँग बुझ्दा ुआफूले हेरेको जोखना सबैले चित्त बुझाएकोु दाबी गर्नुभयो । जोखनाकै विषयमा एक भक्तजनले नाम नबताउने शर्तमा भने-जोखना देखाउँदा सबैलाई एकैखालको भन्ने गरेको जस्तो लागे ठीक हुन्छ कि हुँदैनु भन्ने जवाफ दिए ।
जे होस् बुढासुब्बा मन्दिर धरानको गौरव हो । यस मन्दिरको संरक्षण एवं सम्भारका लागि स्थानीय निकायलगायत यहाँका सर्वसाधारणहरु जीउ ज्यानले लागे बुढासुब्बालाई विश्वभरि नै धार्मिक स्थलको रुपमा परिचित गराउन सकिन्छ ।

रघुपति जुटमिल अनिश्चितकालका लागि पूर्वी वन्द

विराटनगर २२ मा रहेको रघुपति जुटमिलका मजदुरहरुले विभिन्न माग राख्दै आजदेखि अनिश्चितकालीन उद्योग बन्द गरेका छन् ।

उद्योगमा कार्यरत मजदुरहरुले आवश्यक मजदुरको संख्या वृद्धि गराउनु पर्ने माग गर्दै आएपनि व्यावस्थापकले वेवास्ता गरेको भन्दै उनीहरुले अनिश्चितकालिन उद्योग वन्द गराउदै आन्दोलनमा उत्रेका हुन् ।

यता ब्यवस्थापकले कामदारलाई मील संचालन गर्न आग्रह गर्दै काममा नफर्के नो वर्क नो पे को नियम लगाउन ब्यवस्थापन पक्ष वाध्य हुने चेतवनी सहितको सुचना जारी गरेकॊ छ ।

गोल्छा अर्गनाइजेशनले खरिद गरी संचालन हुदै आएको जुटमिलमा ४ सय लुंङ मेशिन रहेको र उक्त मेसिन चलाउन ३ हजार ५ सय भन्दावढी मजदुरहरु आवश्यक पर्ने जनाईएको छ ।

धरान / कोशी अचंल प्रहरी प्रमुख एसएसपी मिङ्मार लामालाई निलम्बन गरी छानविन समिति गठन गर्न र दोषीमाथि कारवाही गर्न सुनसरी पत्रकार महासंघले सरकारसँग माग गरेको छ । फास्ट दैनिकसँग आबद्ध पत्रकार लीलानाथ घिमिरेमाथि एसएसपी लामाको निर्देशनमा आइतबार राति आक्रमण भएको जनाउँदै महासंघले उनलाई निलम्बन गरी घटनाको छानविन गर्न माग गरेको हो ।
सोमबार यहाँ भएको सुनसरीका पत्रकारहरुको भेलाले सुरक्षा निकायका जिम्मेवार पदाधिकारीबाटै साचार क्षेत्रमाथि आक्रमण भएको जनाउँदै घटनाप्रति खेद प्रकट गरेको छ । आइतबार राति एसएसपी लामा र उनका सहयोगीहरुले धरान-१३ स्थित हिल गार्डेन रेष्टुराँमा मादक पदार्थ खाएर अमर्यादित गतिविधि गरिरहेको सूचनाका आधारमा समाचार संकलन गर्न पत्रकार घिमिरे त्यहाँ पुगेका थिए । उनीमाथि लामाकै निर्देशनमा उनका सहयोगी थमान गुरुङले राति १२ बजे सिसाको गिलासले प्रहार गरेको प्रत्यक्षदर्शी युथफोस्रका धरान इाचार्ज देवहाङ राईले जनाए । ुएसएसपी लामालाई बद्नाम गर्न आएको पत्रकार तैं होस् ु भन्दै गुरुङले आपुूमाथि आक्रमण गरेको पत्रकार घिमिरेले बताए ।
घिमिरेको आइतबार रातिदेखि नै बीपी कोइराला स्वास्थ्य विज्ञान प्रतिष्ठानमा सघन उपचार भइरहेको छ । घिमिरेको दायाँ आँखाको डिलमा गम्भीर चोट लागेको चिकित्सकहरुले जनाएका छन् । उनको सोमबार नै शल्यकि्रया गरिएको छ । यसैबीच घटनामा एसएसपी लामाको नाम नजोड्न सुनसरीका प्रहरी प्रमुख एसपी भूपाल भण्डारीले दवाब दिएको बताइएको छ । एसपी भण्डारीले भने आपुूले दवाब नदिएको जनाए । सुनसरीका सहायक सीडीओ बासुदेव घिमिरेले घटनामा एसएसपी लामाको संलग्नता नरहेको दावी गरे । एसएसपी लामाले पनि आपुूले साचारकर्मीमाथि आक्रमण गर्न कुनै निर्देशन नदिएको बताए । ुअब तपाईंहरु नै छानविन गर्नुहोस्ु उनले भने ुमेरो गल्ती प्रमाणित भए पुलिस हुन योग्य हुने छैन ।ु साथीले छोरीको जन्मदिनमा एकपटक आइदिन आग्रह गरेकाले आपुू त्यहाँ गएको उनको भनाइ थियो । रेष्टुराँमा गएर आपुूले गल्ती गरेको भने लामाले स्वीकार गरे ।
सो घटनापछि राति नै फास्ट टाइम्सको कार्यालयमा केही युवा पुगेर हप्कीदप्की गरेको घटनाप्रति पनि महासंघले ध्यानाकर्षण भएको जनाएको छ । सोमबार विज्ञप्ति जारी गर्दै महासंघका सुनसरी अध्यक्ष राजेश विद्रोहीले साचारकर्मीको सुरक्षामा गम्भीर बन्न सरकारसँग माग गरे । क्रान्तिकारी पत्रकार संघ प्रेस युनियन प्रेस चौतारी दक्षिण एशियाली स्वतन्त्र पत्रकार संगठन साफमा कि्रयाशील महिला पत्रकार समूह साचारिका समूह किरात राई पत्रकार संघ आदिवासी जनजाति पत्रकार संघ नेवाः पत्रकार दबु मधेश मिडिया मिसनलगायत साचारसम्बद्ध संगठनले घटनाप्रति विरोध जनाउँदै महासंघको आन्दोलनप्रति ऐक्यबद्धता व्यक्त गरेका छन् ।
यसैबीच महासंघ केन्द्रीय समितिले पनि सोमबार नै विज्ञप्ति जारी गर्दै एसएसपी लामासहित घटनामा संलग्न अन्य प्रहरीलाई निलम्बन गरी घटनाको छानविन गर्न माग गरेको छ । महासंघका महासचिव पोषण केसीद्वारा जारी विज्ञप्तिमा साङ्घातिक हमलाको घोर भत्स्रना गर्दै घाइते घिमिरेको स्वास्थ्य लाभको कामना गरिएको छ ।
महासंघको आयोजनामा मङ्गलबार धरानमा पत्रकारहरुले विरोध जुलुस प्रदर्शन गर्दैछन् । यसैबीच पत्रकार घिमिरेलाई आक्रमण गर्ने गुरुङलाई सोमबार नै नियन्त्रणमा लिइएको इप्रकाले जनाएको छ । युवा संघको धरान समितिले पनि घटनाको भत्स्रना गरेको छ ।
औजार दैनिकका पत्रकार सन्तोष कापुलेले पनि आपुनो समाचार प्रकाशित नगरेको निहुँमा नेपाली काङ्ग्रेसका सुनसरी-१ महाधिवेशन प्रतिनिधि पर्वत राईले ज्यान मार्ने धम्की दिएको भन्दै सुरक्षाको माग गरेका छन् । उनले काममा फर्कने वातावरण बनाइदिन पनि माग गरेका छन् । ुम असुरक्षित छु कापुलेले बताए । औजार प्रकाशनका अध्यक्ष मोतीराज सुनुवारले पनि सुरक्षा नदिएर उल्टै हप्काएको उनको भनाइ छ । राईले भने आपुूले कसैलाई धम्की नदिएको बताए । सुनुवारले छलफल गरी विवाद समाधान गर्न महासंघलाई आग्रह गरेका छन्

उम्मेदवारी फिर्ता लिन एमालेले अल्टिमेटम दिने

श्रावण २५ - सत्तासमीकरणमा निर्णायक मानिएको एमालेले प्रधानमन्त्रीका प्रत्यासी माओवादीका पुष्पकमल दाहाल र कांग्रेसका रामचन्द्र पौडेललाई तीन दिनभित्र उम्मेदवारी फिर्ता लिन अल्टिमेटम दिने तयारी गरेको छ ।

प्रधानमन्त्री निर्वाचनमा पार्टीभित्र देखिएको मतभेद सुल्झाउने प्रयत्नमा प्रधानमन्त्रीको सरकारी निवास बालुवाटारमा मंगलबार साँझ भएको शीर्ष नेताहरुको बैठकले दुबै प्रधानमन्त्रीका प्रत्यासीलाई उम्मेदवारी फिर्ता लिई नयाँ शिराबाट सहमति खोज्न पहल गर्ने बारे छलफल गरेको छ । यस बिषयमा केन्द्रीय कमिटी बैठकमा बुधबार औपचारिक छलफल हुने छ । बैठकमा ब्यवस्थापिका संसदमा जारी प्रक्रियाले प्रधानमन्त्रीको चयन नहुने भन्दै नयाँ रणनीतिबारे छलफल भएको एक नेताले जानकारी दिए ।

बुधबार सुरु हुने केन्द्रीय कमिटी बैठकको पूर्वसन्ध्यामा शीर्ष नेतावीच जारी छलफलले आगामी भदौ २ गते हुने निर्वाचनमा बिगतमा तटस्थ बस्दै आएको एमालेलाई नैतिक दबाब पर्ने देखिएको छ । सहभागी एक नेताका अनुसार, प्रधानमन्त्रीका प्रत्यासीलाई उमेदवारी फिर्ता लिन दिएको ३ दिने अल्टिमेटम कार्यान्वयन नभए पुनः अर्को बैठक बसी ठोस निर्णय गर्ने प्रस्ताव पारित गर्नेछ ।

प्रधानमन्त्री मतदानको समीक्षा तथा भावी रणनीति तय गर्न बुधबारका लागि बोलाइएको केन्द्रीय कमिटीको बैठकमा चर्को मतभेद हुने भएकाले बैठकमा मध्यमार्गी विकल्पको खोजी गर्न प्रयत्न गरिने एक केन्द्रीय सदस्यले बताए ।

सामुदायिक वन को आपत्ती

---

तरहरा / तराईका राजनीतिक दलहरुले सत्ता प्राप्तीका लागि सामुदायिक वनलाई साझेदारी वनमा रुपान्तरण गर्न राखेको माँग आपत्तीजनक भएको सामुदायिक वन उपभोक्ता महासंघका पदाधिकारीहरुले आपत्ती जनाएका छन् ।
सामुदायिक वन उपभोक्ता महासंघ सुनसरीले बुधबार हाँसपोसामा आयोजना गरेको कदमखेती सम्वन्धि जनचेतना कार्यक्रममा सहभागि हुन आई पुग्नु भएका केन्द्रिय सदस्य गणेशप्रसाद गुरागाई र ठाकुर भण्डारीले मधेशवादी दलको भनाई आपत्तीजन भएको टिप्पणी गर्नुभएको हो ।
कार्यक्रममा महासंघ केन्द्रिय सदस्य गुरागाईले आफ्नो ज्यानको वाजी थापेर उजाड जंगल हराभरा वनाएपछि मधेशीवादी दलको मोर्चाले सरकार वनाउने अस्वस्थ खेलका लागि सामुदायिक वन अवधारणको खिलापमा माँग तेस्र्याउँदै साझेदारी वन वनाउन अघि सारेको माँग आफैमा आपत्तीजनक रहेको वताउनुभयो ।
महासंघ सदस्य गुरागाईले वर्तमान सरकारको वनमन्त्री र मन्त्रालयका सचिवदेखि अन्य उच्च पदस्थ कर्मचारीहरु नै वन विनास गर्ने कार्यमा सम्लग्न रहदै आएको तथा केही भ्रष्ट सामुदायिक वनका पदाधिकारीहरुलाई प्रलोभनमा पारेर वन मास्ने अभियानमा जुटेको प्रष्ट भएको पनि उहाँले स्पष्ट पार्नुभयो ।
सोही अवसरमा महासंघका अर्का केन्द्रिय सदस्य भण्डारीले अधिराज्यभर महासंघमा आवद्ध १५ हजार सामुदायिक वनमा आवद्ध लाखौ मानिसले खाई नखाई उजाड जंगल हराभरा वनाएपछि वन सम्पदा मासेर व्यक्तिगत स्वार्थ पुरा गराउन कि्रयाशील केही राजनीतिक दल र जिम्मेवार व्यक्तिहरु सामुदायिक वन विरुद्ध लागेको पाईएको वताउनुभयो ।
सामुदायिक वन अवधारणले उजाड भएका मरुभूमिको अवस्थामा पुगेका नेपालको वन क्षेत्र यतिखेर उर्वर भएको देख्न नसक्नेहरुले नियोजित रुपमा नै वन फडानी गर्ने गरेको सरकारद्धारा र महासंघव गठित छानविन समितिले पत्ता लगाएको तथ्यले प्रष्ट पारेको पनि खुलाशा गर्नुभयो ।
कार्यक्रममा कदमखेती सम्वन्धि अभियानमा लागेका संचारकर्मी आनन्द श्रेष्ठले वन विनास र वैकल्पिक उर्जाको रुपमा प्रयोगमा ल्याउन सकिने कदमखेती उर्जा विकासमा वन मन्त्रालयका पदाधिकारी र काठमाण्डौमा संस्था चलाएर वसेकाहरु व्ााधकका रुपमा रहेको टिप्पणी गर्नुभयो ।
सरकारले करोडौका लगानीमा कदमखेती सम्वन्धि कार्यक्रम ल्याएको भए पनि मन्त्रालयका केही पदाधिकारी र काठमाण्डौ केन्द्रित ती संस्थाका भ्रष्ट ब्यक्तिहरु मिलेर कदम खेतीको महत्वका विषयमा चलाईनु पर्ने कार्यक्रम सिमित ब्यक्तिको घेराभित्र राखेर विनियोजित रकम नै खर्च गर्न नसक्ने अवस्था आएको पनि खुलाशा गर्नुभयो ।
सुनसरीका सामुदायिक वन उपभोक्ता समितिहरुले कदम खेतीलाई महत्व दिएर विरुवा रोप्न सके नेपाल इन्धन समस्यावाट मुक्त हुने विचार समेत राख्नुभयो ।

चोरको शिकार

मोटरसाइकल चोरीको अभियोगमा समातिएका रामबहादुर फुयाँल (दाया) दीपक माझीलाई प्रहरीले सार्वजनिक गर्‍यो।

जनमुक्ति सेनाको गेटमा क्षित

दमक २४ साउन÷ इलामको चुलाचुलीमा रहेको जनमुक्ति सेना नेपालको प्रथम डिभिजन प्रवेशद्वारको गेटलाई सोमबार भारतीय मालबाहक ट्रकले ठक्कर दिएपछि क्षतिग्रस्त बनाएको छ ।
भारतीय मालबाहक डब्लु वि ७३ ए÷८९१६ नम्बरको टर्बो ट्रक अनियन्त्रित भई गेटमा ठक्कर खाँदा गेटको दक्षिणी भाग भत्काएको छ ।
ठक्कर दिने ट्रक र यसका चालकलाई तोपगाछी स्थित केर्खा प्रहरी चौकीमा राखिएको छ । प्रहरी इाचार्ज राजेन्द्र श्रेष्ठले गेटको क्षतिपुर्ति उपलब्ध गराएपछि मात्र ट्रकलाई छाडिने जानकारी दिनुभयो ।
यस मार्गमा गुड्ने टर्बो ट्रकले ८ टनको लोड मात्र बोक्न पाउने भएपनि जुट बोकेको सो ट्रमा १२ टन लोड रहेको बताइएको छ । बढि लोड भएकोले नै ट्रक अनियन्त्रित भएको बताइएको छ ।
पुर्व-पश्चिम राजमार्गको झापा स्थित तोपगाछीमा पर्ने यो गेट माओवादी जनयुद्धमा सहिद भएकाहरुको सम्झनामा बनाईएको थियो । काठले कलात्मक ढंगबाट काठको प्रयोग गरी बनाईएको यसको उचाई करिब २५ फिट थियो ।



सुनसरीको चतरा स्थित पिण्डेस्वर मन्दिरमा लागेको बोलबम मेलामा सहभागी हुन आएका तिर्थालुहरु । पिण्डेश्वर मन्दिरको शिवलिङ्गमा पानी चढाउँदा पुण्य कमाईने र विभिन्न रोगबाट मुक्ति पाइने विश्वासमा नेपाल र भारतका हजारौ तिर्थालुहरु साउन महिनामा मन्दिर आउने गर्दछन् । फोटोः गोविन्द बस्नेत÷धरान

आदिवासी दिवशमा आरक्षण माग

इटहरी, २४ साउन÷ आदिवासी जनजातिहरुलाई नयाँ बन्ने संविधानमार्फत् राज्यका हरेक निकायमा समानुपातिक पहुँच दिनुपर्ने उनीहरुले माग गरेका छन् ।
१६ आंै विश्व आदिवासी दिवसको अवसरमा सोमबार सुनसरीको इटहरीमा आदिवासी जनजाति महासंघ नगर समिति इटहरीले आयोजना गरेका कार्यक्रममा सहभागीहरुले अब आदिवासी जनजातिहरुले पनि अधिकार र न्याय पाउनुपर्ने बताए ।
कार्यक्रममा बोल्ने अधिकांश वक्ताहरुले आइएलओ अभिसन्धीलाई पूर्ण रुपमा लागू गनुपर्ने माग समेत राखेका थिए । आदिवासी जनजाति महासंघका केन्द्रीय उपाध्यक्ष नरेन्द्र राजवंशीले आदिवासी जनजातिहरुलाई सामन्ती सोचले पछि पारेको भन्दै आदिवासीहरु आफ्नो अधिकारको लागि उठ्न थालेको बताउनु भयो ।
इटहरी नगरपालिकाको प्राङ्गणमा भएको सभा अघि कार्यक्रममा सहभागिहरुले विभिन्न सांस्कृतिक झाँकीसहित नगर परिक्रमा गरेका थिए ।

कतारको श्रम कानुन नेपाली भाषामा

श्रावण २४ - कतारमा कार्यरत कामदार आफ्नो हकअधिकार र कर्तब्यबारे अझ सचेत हुने भएका छन् । कतारको श्रम कानुनी नेपाली भाषामा प्रकाशन भएपछि उनीहरूलाई यो सुविधा मिलेको हो ।

कतारमा सन् २००४ मा जारी श्रम ऐन पहिलो पटक नेपाली भाषामा प्रकाशन भएको हो । भाग १६, दफा १४६ रहेको यो ऐन कतारको मातृभाषा अरेबिकबाट नेपालीमा अनूदित भएको छ । यो अंग्रेजीमा पहिल्यै थियो । नेपाली अनुवाद ८० पृष्ठको पुस्तकका रूपमा आएको छ । यसको नेपाली अनुवाद अरेबिक भाषाका जानकार ललितपुर लुभूका रमजान अली मियाँ र सम्पादन नेपाली दूतावास कतारका प्रथम सचिव रामकाजी खड्काले गरेका हुन् ।

नेपाल लोकतान्त्रिक मञ्चद्वारा दोहामा आयोजित कार्यक्रममा श्रम कानुनको नेपाली संस्करणको विमोचन गर्दै प्रथम सचिव खड्काले नेपाली श्रमिकको लागि यो धेरै उपयोगी हुने बताए । खड्काले यसअघि कतारबाट प्रकाशित नेपाली पत्रिकाहरूमा श्रम कानुनका विभिन्न खण्डबारे जानकारीमूलक लेख लेख्ने गरेका थिए । 'यो कानुन कतारमा बस्ने नेपालीलाई मात्र नभएर नेपालमा रहेका म्यानपावर कम्पनी र सरकारका लागि पनि उत्तिकै उपयोगी छ,' उनले भने, 'कानुनको जानकारी नभएर कैयौं नेपाली सेवा सुविधाबाट वञ्चित भएका छन् । अब यसले हाम्रो दायित्व, अधिकार र कर्तव्यबारे राम्रो जानकारी दिनेछ ।' कतारमा साढे ३ लाख नेपालीमध्ये ८० प्रतिशत कामदार अदक्ष छन् ।

कानुनबारे जानकारी नहुँदा कयौं कम्पनीहरूले कामदारलाई ग्राचिटी

(उपदान), लिभपे (विदाको तलब), अनुभवको प्रमाणपत्र, काम गर्दा ताकाका लाइसेन्स, काजगात, घर फर्किने टिकट दिने गरेका छैनन् । कानुनअनुसार मजदुरहरूले ती सबै सुविधा पाउँछन् । पुस्तक अनुवादक अली मियाँले नेपाली मजदुरको हितका लागि आफूले अनुवाद गरेको बताउँदै यो सबैलाई उपयोगी हुने जनाए । श्रम कानुनमा श्रमसम्बन्धी विभिन्न क्षेत्रको परिभाषा, व्यावसायिक तालिम, कामदारहरूको रोजगारको नियमन, व्यक्तिगत श्रम सम्बन्ध, अनुशासनसम्बन्धी रोजगारदाताको अधिकार, पारिश्रमिक, कारबाही र बिदाको नियम, नावालकलाई काममा लगाउन नपाइने उल्लेख छ ।

त्यस्तै महिलाहरूको रोजगार, सुरक्षा, व्यावसायकि स्वास्थ्य र सामाजिक सुरक्षा, कामसम्बन्धी चोकपटक र त्यसको क्षतिपूर्ति, कामदारहरूको संगठन, संयुक्त समिति, वार्ता, सामूहिक सम्झौताहरू, सामूहिक विवादहरू, कामको निरीक्षण र दण्ड सजायबारे ऐनमा लेखिएको

छ । कतारमा श्रम कानुन नागरिक सेवा मामिला तथा आवास मन्त्रालयले जारी गरेको हो । अनुवादित श्रम कानुनलाई विभिन्न क्षेत्रका नेपालीहरूले राम्रो रूपमा लिँदै यसको कार्यान्वय गराउनमा सचेत भएर लाग्नुपर्नेमा जोड दिएका छन् ।

विश्व आदिवासी दिवस मनाइदै/सहीदगेटबाट झाँकी

श्रावण २४ - सोमबार नेपाली आदिवासी जनजातिहरुले विश्व आदिवासी दिवस २०६७ को अवसरमा राजधानी तथा मुलुकका बिभिन्न भागहरुमा विविध कार्यक्रमक गरी मनाउदैछ ।

विश्व आदिवासी आन्दोलनको उपलब्धीको रुपमा संयुक्त राष्ट्र संघले सन् १९९४ मा अगष्ट ९ लाई 'विश्व आदिवासी दिवस' घोषणा गरेपछि नेपालमा पनि बिभिन्न कार्यक्रम गरेर मनाउँदै आएको हो ।

यस अवसरलाई आदिवासी जनजातिहरुले आफ्ना हक अधिकारहरुको प्रचार प्रसार गर्ने र राज्यका अधिकारीहरुलाई आफ्ना माग पुरा गर्न लागि दवाव दिने उद्देश्य राखेर कार्यक्रमहरु गर्ने गरेका छन् ।

यसै सिलसिलामा नेपाल आदिवासी जनजाति महासंघले मूल समारोहको आयोजना गरेको छ । सोमबार दिउसो सुन्धाराबाट बिभिन्न आदिवासी समुदायको परम्परागत भेषभूषा तथा बाजागाजासहित झाँकीको आयोजना गरिएको छ । मूल समारोह भने कमलादीस्थित प्रज्ञाभवनमा हुने छ ।

आदिवासी जनजातिहरुले आत्मनिर्णयको अधिकारसहित जातीय, भाषिक र क्षेत्रीय स्वयत्तता, आदिवासीका अधिकारलाई मौलिक हकरुपमा व्यवस्था गरिनुपर्ने, राज्यका सबै तहमा समानुपातिक सहभागिता गराइनुपर्नेलगायतका मागहरु अघि सार्दै आएका छन् ।

सेनामा तत्काल रथी नथपिने

श्रावण २४ - रक्षामन्त्री विद्या भण्डारीले तत्काल दुई रथी पद नथपिने बताएकी छन् । प्रधानसेनापति छत्रमानसिंह गुरुङलगायत सैनिक अधिकृतले एक साताअघि रक्षामन्त्रीलाई भेटी सेनामा दुई रथी थपेर उनीहरूलाई महत्त्वपूर्ण विभागको जिम्मेवारी दिने मौखिक प्रस्ताव गरेका थिए ।

'सेनाले सैनिक मुख्यालयमै दुई रथी पद थप्न मौखिक प्रस्ताव गरेको छ । लिखित रूपमा प्रस्ताव आएपछि त्यसबारे गहन अध्ययन हुन्छ,' मन्त्री भण्डारीले कान्तिपुरलाई भनिन्, 'सेनाको माथिल्लो तहमा कम पद रहेको महसुस गरिएको छ । तर तत्कालै हचुवाका आधारमा रथीजस्तो दोस्रो वरीयताको पद थपिँदैन ।' सेनामा हाल दुई रथी छन् । प्रस्तावअनुरूप दुई रथी पद थपिए भावी प्रधानसेनापतिको क्रम प्रभावित हुनेछ । तत्काल दुई रथी पद थपिए वरीयताअनुसार सेनापतिको रोलक्रममा रहेका युद्धकार्य तथा व्यवस्था महानिर्देशक उपरथी गौरवशमशेर राणालगायत सैनिक अधिकृतको हालको क्रममा असर पर्छ । उपरथी राणा अमेरिका भ्रमणमा रहेका बेला उनको कार्यभार सम्हालिरहेका सैनिक विनय महानिर्देशक उपरथी अनिलजंग थापाले यस्तो प्रस्ताव तयार पारेका हुन् ।

सेनाले औपचारिक समारोहमा लगाउने पोसाक परिवर्तन गरेको प्रस्तावमा रक्षामन्त्रीले स्वीकृति दिएकी छन् । सैनिक अधिकृतले औपचारिक समारोहमा लगाउने पोसाक असजिलो भएकाले सेनाले विदेशी सेनाको जस्तै कोट, सर्ट, टाई भएको पोसाकका लागि प्रस्ताव गरेको थियो । रक्षामन्त्रीले थप आर्थिक व्ययभार नपर्ने गरी

नयाँ पोसाक वितरण गर्ने समयमा त्यस्तो पोसाक तयार पार्न स्वीकृति दिएकी हुन् ।

रक्षामन्त्री भण्डारीले सैनिक अधिकृतको पदावधि थपका लागि रहेको स्वविवेकीय अधिकारको प्रावधान घातक भएको बताएकी छन् । यसलाई सेनाको लोकतान्त्रीकरणका क्रममा सच्याइने र मन्त्रालयले 'चेक एन्ड ब्यालेन्स' गर्नर् सक्ने व्यवस्था बनाइने उनले बताइन् । सैनिक ऐन, २०६३ मा प्रधानसेनापतिको सिफारिसमा मात्रै सैनिक अधिकृतको पदावधि थप्ने प्रावधान छ । 'स्वविवेकीय प्रावधानले राम्रा सैनिक अधिकृतलाई पनि नेतृत्वको मुख ताक्नुपर्ने विचरा बनाएको छ,' उनले भनिन्, 'सैनिक ऐन, नियममा संशोधन गरी यो प्रावधान हटाउनुपर्छ ।'

केहीअघि प्रधानसेनापति छत्रमानसिंह गुरुङले दुई महिलासहित तीन जर्नेलको पदावधि थपको सिफारिस नगरी अवकाश दिएका थिए । रक्षामन्त्रीले तीमध्ये एक जर्नेल रमेश बिष्टको पदावधि थपको ठाडो प्रस्ताव लगी मन्त्रिपरिषद्बाट पारित गरे पनि प्रधानसेनापतिको आपत्तिका कारण सोे निर्णय कार्यान्वयन भएन ।

रक्षामन्त्रीले सेनाको लोकतान्त्रीकरणसम्बन्धी समितिले तीन तहको प्रस्ताव तयार पारेको बताइन् । उनकै नेतृत्वको समितिले राजनीतिक, व्यवस्थापन र सैनिक गरी तीन तहको प्रस्ताव तयार पारेको हो । राजनीतिक तहको प्रतिनिधित्व सरकार -मन्त्रिपरिषद्) ले गर्ने र यो तहले सेनाको आवश्यकता, उपयुक्त संख्या, संगठनात्मक संरचना, स्वरूप, कार्य विभाजन, नियन्त्रण, परिचालन, व्यवस्थापनका साथै सामरिक महत्त्वलगायतका नीतिगत विषयमा निर्णयका साथै राष्ट्रिय रणनीतिको अवधारणा निर्धारण गर्नेछ ।

व्यवस्थापन तहको नेतृत्व रक्षा मन्त्रालयले गर्ने र यसले रक्षा नीतिसम्बन्धी विषयहरू र रक्षाको व्यवस्थापन, अनुगमन नियन्त्रण र निर्देशन गर्ने उल्लेख छ । यो तहले राजनीतिक तहसँग समन्वय गर्ने तथा नागरिक र सेनाबीच समन्वय एवं सुदृढीकरणको दायित्व निर्वाह गर्नेछ । सैनिक तहले सेनाले दैनिक प्रशासन चलाउने, रक्षा रणनीतिको कार्यान्वयन गर्ने, राजनीतिक तह तथा व्यवस्थापन तहबाट प्राप्त नीति एवं निर्देशनलाई अनुशासित र पेसागत ढंगले कार्यान्वयन गर्ने प्रस्तावमा उल्लेख छ ।

सेना नागरिक सर्वोच्चता तथा सरकारको नियन्त्रणमा रहने व्यवस्था गरिने प्रस्तावमा छ । संविधान, कानुन, नेपाल सरकारको निर्देशनअनुरूप सेनाको नियन्त्रण, परिचालन र व्यवस्थापन सुनिश्चित गर्न संसदीय पर्यवेक्षणको व्यवस्था गरिएको छ । मन्त्रालय र सेनाबीच सम्बन्ध समन्वय र सुदृढीकरणका लागि रक्षामन्त्रीको संयोजकत्वमा प्रधानसेनापति सदस्य र रक्षासचिव सदस्य सचिव रहेको रक्षा निर्देशक समितिको स्थापना गरिने भएको छ । रक्षामन्त्री भण्डारीले सेनाको प्रतिरक्षा सामग्री खरिद प्रक्रियामा केही कमी रहेको समेत बताइन् । 'यससम्बन्धमा थुप्रै उजुरीहरू आएका छन् । ती उजुरीको अध्ययनपछि आवश्यक निर्देशन दिनेछु,' उनले भनिन् ।

बोल…बम:

सोमबारको लागि सुन्दरी जलमा पवित्र जल लिन जादैं बोल बम तिर्थालुहरु ।

यो हो हाम्रो भेषभुषा:

१६ औँ विश्व आदिवासी जनजाति दिवसका अवसरमा आफ्नो भेषभुषा प्रदर्शन गर्दै बालिका । नेपालमा पनि विभन्न कार्यक्रम गरी सोमबार यो दिवस मनाईँदै छ । तस्विरः अनलाइनखबर ...

माओवादी-कांग्रेस छलफल/सहमति भए उम्मेदवारी फिर्ता लिन सकिन्छः माओवादी

श्रावण २४ - माओवादीले दलहरुबीच सहमति भए प्रधानमन्त्रीबाट उम्मेदवारी फिर्ता लिन सकिने जनाएको छ । कांग्रेस नेतृत्वसँग सोमबार भएको छलफलमा माओवादीले राष्ट्रिय सहमतिको आधार निर्माण भए उम्मेदवारी फिर्ता लिन तयार भएको बताएको हो ।

छलफलपछि माओवादी उपाध्यक्ष नारायणकाजी श्रेष्ठले सरकारको नेतृत्वबारे कांग्रेससँग बिभिन्न विकल्पमा छलफल भएको बताए ।

'हाम्रो पार्टीको नेतृत्वको राष्ट्रिय सहमतिको सरकारदेखि सबै बिषयमा छलफल भयो । मुद्दागत रुपमा छलफल गरेर सहमतिमा पुग्न सकिने कुरा राख्यौ', उनले भने, 'सबै गम्भीर भएर सहमतिमा पुगे राष्ट्रिय सहमतिको लागि उम्मेदवारी फिर्ता लिन सकिने पनि बतायौ ।'

उनले निर्वाचनमा प्रतिष्पर्धा गरेपनि राजनीतिक सहमतिमा अघि बढ्न सकिने बताए ।

माओवादी अध्यक्ष पुष्पकमल दाहाल र कांग्रेस संसदीय दलका नेता रामचन्द्र पौडेलले प्रधानमन्त्रीमा प्रतिपष्र्धा गरिरहेका छन् । प्रधानमन्त्री निर्वाचन भदौ २ गते हुँदैछ ।

तर कांग्रेसले शान्ति प्रकृयादेखि संविधानसभा निर्वाचनसम्म आफ्नो पार्टीले नेतृत्व गरेकाले प्रधानमन्त्रीमा सघाउन आग्रह गरेको थियो ।

'माओवादी लडाकु र हतियारबिहीन नागरिक पार्टी बन्नुपर्ने कांग्रेसको अडान कायमै छ', छलफलपछि कांग्रेस प्रवक्ता अर्जुननरसिंह केसीले भने, 'कांग्रेसले शान्ति प्रकृयादेखि संविधानसभा निर्वाचनसम्म नेतृत्व गरेकाले सरकारको नेतृत्वको दावी जायज भएको कुरा राख्यौ ।' कांग्रेसले माओवादी नेतृत्वमा राष्ट्रिय सहमति जुट्न नसक्ने बताएको थियो । छलफलमा माओवादीले नेतृत्वको दावी छाडेर विकल्प सोच्न कांग्रेसलाई आग्रह गरेको थियो ।

माओवादी संसदीय दलको कार्यालयमा भएको छलफलमा दुबै दलका शीर्ष नेताहरुको उपस्थिति थियो । दुबै दलले छलफललाई निरन्तरता दिने बताएका छन् ।

कांग्रेसको नेतृत्व अस्वीकारः माओवादी

२४ साउन, काठमाण्डौ । एकीकृत नेकपा माओवादीले नेपाली कांग्रेसको नेतृत्व स्वीकार्न नसक्ने बताएको छ । प्रधानमन्त्रीको दौडमा रहेको नेपाली कांग्रेसले निर्वाचनमा आफ्नो दलको उम्मेदवार रामचन्द्र पौडेललाई समर्थन गर्न गरेको आग्रह माओवादीले ठाडै अस्वीकार गरेको छ ।

िसंहदरवास्थित माओवादी संसदीय दलको कार्यालयमा सोमबार विहान भएको दुई दलको छलफलमा कांग्रेसले औपचारिक रुपमा निर्वाचनमा सघाउन आग्रह गरेको हो ।

छलफलमा कांग्रेसले संविधानसभाको निर्वाचनपछि माओवादीले सरकारको नेतृत्व गरिसकेकोले अब आफ्नो दलको उम्मेदवारलाई सघाउन माओवादीसँग आग्रह गरेको थियो ।

माओवादीले भने कांग्रेसको आग्रहलाई अस्वीकार गर्दै शान्ति र संविधान निर्माण प्रकि्रयालाई टुंग्याउन संविधानसभामा ठूला दलको हैसियतले आफैले नेतृत्व लिने बताउँदै सघाउन कांग्रेससँग आग्रह गरेको थियो ।

बैठकमा दुवै दलले आ-आफ्नो अडान दोहोर्याए पनि निकासका लागि छलफललाई निरन्तरता दिन भने सहमत भएका छन् । छलफलमा दुवै दलका शीर्ष नेताहरुको सहभागिता रहेको थियो ।

यसअघि साउन ५ ७ १७ र २१ गते भएका चारपटकको निर्वाचनमा माओवादीका अध्यक्ष प्रचण्ड र कांग्रेस नेता पौडेलले आवश्यक बहुमत ल्याउन नसकेपछि पाँचौ चरणको प्रधानमन्त्रीको निर्वाचन भदौ २ गते हुँदैछ ।

सत्ता समिकरणमा निर्णायक शक्ति मानिएको नेकपा एमाले र मधेसवादी चार दल तटस्थ बसेका कारण चार पटककै निर्वाचनमा कसैले पनि बहुमत ल्याउन नसकेको हो ।

तयारी मिस युनिभर्सको

लस भेगसमा मिस युनिभर्स २०१० को तयारिमा मिस ग्वाटेमाला जेसिका सेल।

युवतीसँग नाच्दानाच्दै समातिए पूर्व राजाका ज्वाँइ

साउन २३ (नागरिक) - भर्खरै माओवादी निकटको दलमा प्रवेश गरेका पूर्व राजाका ज्वाइँ राजबहादुर सिंह 'नाइट क्लब' बाट गिरफ्तार भएका छन्। होटल याक एन्ड यतिस्थित क्लव प्लाटिनमबाट उनीसँगै ६ युवती समेत १८ जना समातिएका हुन्। शनिबार बिहान १:३० बजे उनीहरुलाई याक एन्ड यति होटलमा रहेको क्लव प्लाटिनमबाट गिरफ्तार गरिएको थियो।
रात्री क्लव १२ बजेसम्मात्र चल्न पाउने भएपनि उनीहरु बढी समय क्लबमा विताएका थिए। आठ घन्टापछि प्रहरीले उनीहरुलाई 'अवदेखि यस्तो गतिविधि नदोहर्‍याउने सर्त' गराएर छाडिएको छ।

कानुन विपरित डिस्कोमा समय बिताएकोले उनीहरुलाई पक्राउ गरिएको महानगरिय प्रहरी वृत्त हनुमानढोकाका एसपी रमेश खरेलले जानकारी दिए। उनका अनुसार लिखित माफी मागेपछि उनीहरुलाई छाडिएको हो। बिहान ९ बजे उनीहरुलाई छाडिएको हो।

सिंह याक एन्ड यतिमा रहेको क्यासिनो रोयलका मालिक समेत हुन्। उनलाई एक नृतंगनाका साथ भेटिएको थियो। ती युवतीसहित ६ जना नाच्ने युवतीहरु पनि पक्राउ परेका थिए।

सिंहसँगै मेलिना डंगोल, सुस्मिता ढकाल कोइराला, कुमारी गुरुङ, लिला लामा, छैला लामा, सितल राई, इन्द्रध्वज कार्की, वासुदेव भट्ट, राजकुमार सिंह, सुर्य गुरुङ, संजय रायमाझी, रत्न लामा, मनोहर कोइराला, गौतम सिंह, विजय श्रेष्ठ, महम्मद नजामिन र अमर महर्जन पक्राउ परेका हुन्।

अस्पतालमै कुरुवाको आत्महत्या

पोखरा, साउन २३ - बाग्लुङ, तंग्राम-९ की चित्रकुमारी पुनको दुवै मृगौलाले काम गरेको थिएन।उनका पति तुलबहादुर हप्तैपिच्छे पोखराको मणिपाल शिक्षण अस्पताल ल्याएर मृगौलाको डाइलोसिस गराउँथे। पत्नीसहित चार दिनअघि डाइलोसिसका लागि आएका पुनले शनिबार बिहान १० बजे अस्पतालको तेस्रो तलाबाट हाम फालेर आत्महत्या गरेपछि साढे दुई वर्षयताको क्रमभंग भएको छ।
५२ वर्षे पुनले गरिबी र हैरानीका कारण अस्पतालमै आत्महत्या गरेको आफन्तको अनुमान छ। गरिबीकै कारण उनले सातामा दुईपटक गर्नुपर्ने डाइलोसिस एकपटक मात्रै गराउँदै आएका थिए।
लामो समयदेखि हप्तैपिच्छे उपचारमा धाउनुपर्ने, महँगो शुल्क खर्चनुपर्ने र स्वास्थ्यमा सुधार पनि नआएकाले निरास भएको हुनसक्ने उनका दाजु परवीरले बताए।

अस्पतालका अनुसार एकपटक डाइलोसिस गराउँदा पुनले २ हजार ५ सय रुपैयाँ तिर्दै आएका थिए। यसबाहेक हरेक साता पोखरा-बाग्लुङ गर्नुपर्ने र ३/४ दिन अस्पतालै बस्नुपर्ने भएकाले १२ लाख रुपैयाँ खर्च भइसकेको थियो।
मृतकका भान्जा रुद्र श्रीषका अनुसार पुनका एक छोरा इराकमा छन् भने अर्का छोरा गाउँमै बस्छन्। यसपटक उनले विवाहित छोरी ज्योतिलाई पनि सँगै लिएर आएका थिए।
लडाइँका क्रममा ३/४ वटा गोली छातीमा लागेपछि पुनले १२ वर्षअघि भारतीय सेनाबाट अवकाश पाएका थिए। उनको छातीमा अझै एउटा गोली बाँकी थियो। 'त्यो गोलीको पीडा भुल्न भाइ सधैं रक्सी पिउँथ्यो,' उनले भने, 'रक्सी पिए पनि नराम्रो बानीब्यहोरा भने थिएन।'
अस्पतालका एक कुरुवाले झ्यालबाट हाम फालेको सुनेलगत्तै चित्रकुमारीले पतिको खोजी गरिरहेकी छन्। आफन्तले औषधीको बिल तिर्न गएको, खाना खान गएको, शौचालय गएको बहाना बनाए पनि पति घन्टौंसम्म नर्फिकएपछि उनको छटपटी बढेको छ।
घटनालगत्तै उनले छोरीलाई कसले हाम फालेको रहेछ हेरेर आउन अह्राएकी थिइन्। त्यसपछि रुँदै दौडिएकी छोरी आमानजिक परेकी छैनन्। अस्पतालको भुइँतलामा छोरी ज्योतिलाई सम्हाल्न आफन्तलाई मुस्किल छ। पति र छोरी नजिक नपर्नु र अरु आफन्त मात्र आफ्नो नजिक आएपछि ४८ वर्षीया चित्रकुमारीलाई घटनाको आभास भइसकेको पुनका भान्जा श्रीषले बताए।
'आफ्नो उपचारका बेला कहिल्यै नदेखिने आफन्तलाई अस्पतालमा देखेपछि उनमा शंका पसिकेको छ,' उनले भने, 'तर गम्भीर स्वास्थ्य अवस्थाले गर्दा हामीले मुटुमा गाँठो पारेर ढाकछोप गरिरहेका छौं।'
आफन्तले पुनको शवलाई शनिबारै पश्चिमाञ्चल क्षेत्रीय अस्पतालमा पोस्टमार्टम गरी अन्तिम संस्कारका लागि बाग्लुङ लगेका छन्। चित्रकुमारीलाई पनि दाहसंस्कारमा सामेल गराउन अस्पतालसँग आग्रह गरिने जेठाजु पुनले बताए।
'छुट्टै गाडीमा लगेर बाग्लुङ पुगेपछि मात्र घटनाबारे भन्नु पर्ला,' उनले भने, 'यो खबर सुन्नेबित्तिकै बुहारीलाई पनि जेसुकै हुन सक्छ, त्यसैले अप्ठ्यारोमा परेका छौं।'
नियमित डाइलोसिस गराउँदै आएकी पुनको अवस्था डिस्चार्ज गर्न सकिने खालको नरहेको अस्पतालले बताएको छ। अस्पतालकी डा. सिर्जना प्रधानांगले तत्काल घर लैजाने कुरामा पुनर्विचार गर्न आफन्तलाई सल्लाह दिएकी थिइन्।

सडकमै ताल

पानीले डुबेपछि जमलको सडक। पानीले गाडी जाम गराएको थियो

रिया सेनको हट चुम्बन

नाम होस् वा बदनाम तर गुमनाम नहोस् भन्ने भनाइलाई चरितार्थ गर्दै बलिउड बाला रिया सेन चर्चामा छिन् । अभिनयका मामिलामा जिरो नै भए पनि आफ्नो ग्ल्यामरस छविका कारण चर्चा पाइरहने रिया सेन मूलतः लेट नाइट पार्टी आइटम भएकै कारण पेज थ्री मटेरियल बन्ने गरेकी हुन् । यस पटक भने उनी अभिने ता आदित्य पंचोली पुत्र सुरज पंचोलीलाई डि्रंक गरी मदहोस अवस्थामा ओठमा चुम्बन गरेका कारण चर्चामा छिन् । हट रियाको यो हट एक्सनका कारण सुरजले भने लज्जित हुनुपरेको स्रोतको कथन छ

सबैलाई भ्याइन् निरुताले

भुवन केसी, शिव श्रेष्ठ, राजेश हमाल, श्रीकृष्ण श्रेष्ठ, उत्तम प्रधान, दिलीप रायमाझी, विराज भट्ट, सुमन सिंह आदि हुँदै अब राजबल्लभ कोइराला र जीवन लुइँटेल । लस्कर त लामै छ । १६ वर्षअघि निरुता सिंहको पहिलो चलचित्र 'दक्षिणा'मा उनका नायक थिए भुवन केसी । त्यसपछि लस्करै सबै नायकसँग उनी नायिका भइन् र अहिलेसम्म पनि नायिका नै छिन् । उहिलेका भुवन, शिव र राजेशसँग पनि उनी 'ठिक्क' थिइन् । अहिले केही समयको विश्रामपछि पातली र अझ राम्री भएर आएकी निरुता पछिल्लो पुस्ताका राजबल्लभ र जीवन लुइँटेलकी नायिका भएर अभिनय गरिरहेकी छिन् । मुम्बईबाट चिरिच्याँट्ट भै फर्किएपछि निरुतालाई अभिनय गराउन चाहने निर्माताहरूलाई उनको एउटै मुख्य सर्त थियो- 'अब नो रोनाधोना एन्ड साडी' । मुम्बईबाट आएपछि उनले रक्षा सिंहको 'द गेम'मा अत्याधुनिक युवतीको भूमिका निर्वाह गरिसकिन् भने अहिले भद्र भुजेलको निर्देशनमा चलचित्र 'मलाई मन पर्‍यो'मा पनि आधुनिक पहिरन लगाउने नायिका भएकी छिन् । 'निरुताले आफूलाई समयअनुसार मेन्टेन गरेकी छिन् । कमैले त्यसो गर्छन्,' भन्नेहरू पनि भेटिन्छन् । नेपाली चलचित्र क्षेत्रमा कहलिएका पछिल्ला पुस्ताका चलेका नायकमा को बाँकी रह्यो त निरुताले भ्याउन ? एउटै जवाफ छ आर्यन सिग्देल । त्यो समयपनि छिट्टै आउन लागेको छ । एक चलचित्र निर्माताले आयर् नकी जोडी बनाएर निरुतालाई खेलाउने प्रस्ताव ल्याइसकेका छन् ।

न्युयोर्कमा नेपालीहरु 'सेभ द हिमालय' अभियान जुट्दै

श्रावण २२ - भूतापमा बढ्दै गएका कारण हिमालका हीउ पग्लिंदै गएपछि न्युयोर्कमा बसोबास गर्ने नेपाली समुदायका प्रतिनिधिहरुको सक्रियतामा 'सेभ द हिमालय' अभियान सुरु गरिएको छ । अभियान सगरमाथा आरोही पत्रकार आङछिरिङ शेर्पाको संयोजकत्वमा अभियान सुरु भएको हो ।

उक्त अभियान अर्न्तगत पोष्टर, पर्चा टास्ने र विश्व सामु ध्यानकर्षण गर्ने कार्यक्रम तय गरिएको छ । 'यो अभियान हामी सिमित नेपाली समुदायलाई मात्र लक्षित गरेको अभियान होइन, आम नेपाली नागरिकको हैसियतले विश्वलाई ध्यानकर्षण गर्ने मुख्य उदेश्य छ' अभियानका सहसंयोजक टेक गुरुङले भने, 'अमेरिका जस्तो मुलुकमा हामीले सुरु गरेको यो अभियानलाई सफल पार्न नेपाली समुदायलगायत स्थानीय नेपाली सञ्चारमाध्यामले पनि उतिकै सहयोग गरेमा मात्र फलदयी हुन्छ ।'

नेपाली समुदायको तर्फबाट यो अभियान सफल पार्नका लागि अहिलेसम्म तीन पटक बैठक बसिसकेको छ । दोश्रो चरणको बैठकले न्युयोर्कमा क्रियाशील विभिन्न पेशामा आबद्ध नेपाली समुदायका व्यक्तिहरुको इच्छा अनुसार समितिहरु गठन गरेको थियो । तेस्रो बैठकले जनचेतनामुलक कार्यक्रम गर्ने निर्णय गरेको हो ।

थकाली किचेन रेष्टुरेन्टमा भएको बैठकमा आगामी सेप्टेम्बर २१ तारिखको दिन संयुक्त राष्ट्र संघको भवन अघि जनचेतनामुलक र्‍याली कार्यक्रम गर्ने भएको छ । राष्ट्रसंघको साधारण सभामा उपस्थित हुन विश्वका राष्ट्र प्रमुखहरुको आगमान हुने उक्त अवसरमा दुइ देखि ४ घण्टासम्म र्‍याली गर्नुका साथै साँस्कृतिक झाँकी, सम्बोधन, पर्चा वितरणलगायतका काम गरिने अभियानका अर्का सहसंयोजक डा. विनोद शाहले बताए ।

'ग्लोबल वार्मिङको कारणले भइरहेको यो समस्याको कारण अहिले हामी वातवारण पीडित भएका छौं' प्राध्यापक डा. तारा निरौलाले भने, 'हिमालयको रुपमा चिनिने हाम्रो देशको तर्फबाट हामी सवै नेपाली यो अभियानमा जुटन पर्छ । यो हामी सवैको साझा कर्तव्य पनि हो' ।

अभियानलाई नेपाल सरकारको तर्फबाट सस्कृति, पर्यटन तथा नागरिक उड्डयान मन्त्रालय र न्युयोर्कको नेपाल मिसनले समेत सहयोग गर्ने वचन दिएको छ ।