आफ्नो तस्बिरलाई केही परिमार्जन गरेर वेभसाइटमा अपलोड गर्न वा कम्प्युटरमा नै राख्ने इच्छा भए पनि फोटो इडिटिङ गर्ने सफ्टवेयर चलाउन नजान्नेका लागि www.picnik.com उपयोगी वेभसाइट हो । सन् २००५ देखि स्वतन्त्र सफ्टवेयरका रूपमा सञ्चालनमा रहिरहेको पिकनिक डट कम १ मार्चदेखि गुगलको स्वामित्वमा आएको छ ।
डाउनलोड नगरीकन वेभमार्फ फोटो इडिटिङ गर्न सकिने यो वेभसाइट पूर्णतया निःशुल्क छ । यो साइट प्रयोग गर्नका लागि रजिस्ट्रेसनको झन्झट व्यहोर्नुपर्दैन । वेभसाइटमा गएर तपाईंले आफ्नो फोटाको साइज मिलाउन, घुमाउन, चम्किलोपन तथा रंग घटाउन/बढाउन तथा तस्बिरमा देखिने रातो आँखा हटाउनसमेत सकिन्छ । रमाइलो कुरा के छ भने तपाँर्इंले प्रयोग गर्नुभएका हरेक फिचरलाई अनेकौंपटक अनडु गर्न सक्नुहुन्छ ।
निःशुल्क प्रयोगकर्ताका लागि सीमित सुविधा उपलब्ध भए पनि पैसा तिरेर प्रयोग गर्न चाहनेले थप सुविधा पाउनेछन् । प्रमियम युजरका लागि कलर कर्भ, लेभलजस्ता इडिटिङ सुविधा थपिएका छन् । यसैगरी, क्लोन टुल, सिजनल सेप्सलगायत विभिन्न थप सुविधा प्राप्त हुनेछन् । प्रिमियम प्रयोगकर्ता बन्नका लागि एक महिनाको लागि ४ डलर ९५ सेन्ट, ६ महिनाका लागि १९ डलर ९५ सेन्ट र वाषिर्क ग्राहक बन्नका लागि २४ डलर ९५ सेन्ट तिर्नुपर्छ । प्रिमियम युजरहरूले लेयरिङको सुविधा पनि प्राप्त गर्छन् ।
पिकनिक डट कममार्फ इडिट गरिएको फोटो फ्लिकर, फेसबुक, पिकासा वेभ एल्बम, फोटोबकेट तथा वेभसेट्समा अपलोड गर्न सकिन्छ वा आफ्नो कम्प्युटरमा नै सेभ गर्न सकिन्छ
इन्टरनेट दुनियाँमा राज गरिरहेको गुगल परिवारमा समावेश भएपछि वेभसाइटलाई झनै सुविधासम्पन्न बनाउनेर्तर्फ अग्रसर हुने ब्लगमा लेखिएको छ ।
No comments:
Post a Comment