श्रावण १ - काँग्रेसले पार्टी ससंदीय दलका नेता रामचन्द्र पौडेललाई प्रधानमन्त्रीको उम्मेदवार चयन गरेको छ । उपसभापति गोपालमान श्रेष्ठका अनुसार नेता शेरबहादुर देउवाको प्रस्ताव र महामन्त्री केपी गुरुङको समर्थनमा केन्द्रीय कार्यसमितिको बैठकले शनिबार पौडेललाई सर्वसम्मत उम्मेदवार चयन गरेको हो ।
पार्टी कार्यालय सनेपामा दिउसो पौने १ बजे सुरु भएको बैठकले पार्टीको तर्फबाट प्रधानमन्त्रीको उम्मेदवार पौडेललाई बनाउने निधो गरेको हो । यसअघि केन्द्रीय सदस्य पूर्णबहादुर खड्काले संवाददाताहरुसंग बैठकले प्रधानमन्त्रीको उम्मेदवार चयन गर्ने बताएका थिए ।
यसअघि काँग्रेस केन्द्रीय कार्य समितिले राष्ट्रिय सहमतिको सरकार नबन्ने निश्चित भएपछि आफ्नो पार्टीले सरकारको नेतृत्व गर्ने निर्णय गरेपनि कस्लाई उम्मेदवार बनाउने भन्ने सम्बन्धमा निर्णय गर्न सकेको छैन ।
पार्टी संसदीय दलका नेता रामचन्द्र पौडेल, नेता शेरबहादुर देउवा र महामन्त्री कुलबहादुर गुरुङ प्रधानमन्त्रीको उम्मेदवार बन्ने दौडमा लागेपछि पार्टीले निर्णय गर्न सकेको थिएन ।
तर, दौडमा रहेका देउवा र गुरुङ नै समर्थक प्रस्तावक बसेपछि पौडेल सर्वसम्मत प्रधानमन्त्रीको उम्मेदवार बनेका हुन् ।
काँग्रेसले राष्ट्रिय सहमतिका आधारहरु भन्दै शुक्रबार लडाकुको समायोजन तथा व्यवस्थापनलगायतका विषयमा प्रस्ताव सार्वजनिक गरेको थियो ।
यसैबीच दिउसो ३ बजे काँग्रेस र माओवादीबीच छलफल हुने भएको छ
No comments:
Post a Comment